Lukasi 20:14 - Sura Malelaha

¹⁴ Agaiana, i karaitana topokadipura bonde, anana iti, mogombomohe, rauli, ‘Oloumi mai anana, ia au ina mewali ampu bonde ide. Agina tapapate, hai taala bondena hai ope-ope ihina.’

Lukasi 20:14 교차 참조

Roma 8:17

Mewali, ane napoanamoke Pue Ala, taisa kaina molambita pewati au napasilolongami Pue Ala i anaNahe. Pewati iti tahumba hihimbela hai Kerisitu. Ane mantodihake himbela hai Kerisitu, i alo pebotusi ina molambi worike katuwo mahile hihimbela hai Ia.

Ibarani 1:2

Agaiana i alo-alo au ina hawe hangko damani alo pebotusi i kahopoa dunia, lolitana Pue Ala napahaweake AnaNa. Hai AnaNa itimi au Napopatoa mampopewali dunia hai hinangka ihina. Iami au Napakanoto Pue Ala mampoampu hinangkana au ara.

Suro 3:15

Yesu iti au moweike katuwo maroa, nipapatemi. Agaiana Napatuwo hule Pue Ala. Ikami ide sabiNa au moita katuwona hule Yesu.

Suro 2:23

Hintoto hai tunggaia hai peundeana Pue Ala lawi naisa amimi, rahuhumi Yesu irikamu bona nipapate. Hai nihuhuahe i tauna au kadake rapapate i kau mombehape.

Lukasi 22:2

I tempo iti, kapala-kapala tadulako mpenomba hai guru-guru agama mohaokihe rara mopapate ngkandii Yesu, lawi mampokalangahe tauna bosa.

Lukasi 20:19

Guru-guru agama hai kapala-kapala tadulako mpenomba moisa kaihirana au natunggai Yesu i lalu ngkora pandiriNa inona. Ido hai arami tunggaianda mohaka Yesu i tempo iti. Agaiana barahe bai, lawi mampokalangahe tauna bosa.

Lukasi 20:5

Mololitamohe tauna iti, hadua hai hadua, rauli, “Noumbami katahanaina? Ane tauli kuasana iti hangko i Pue Ala, ina Nauliangaake, ‘Ane nodo, moapari hai barakau mepoinalai i Yohane?’

Lukasi 19:47

Alo-alona Yesu mepaguru i Souna Pue Ala. Kapala-kapala tadulako mpenomba hai guru-guru agama hai totosaenda to Yahudi mampeinaohe mopapate Yesu,

Matiu 21:25

Hangko iumba kuasana Yohane Toperiu moriu tauna? Hangko i Pue Ala, ba hangko i manusia?” Mololitamohe tadulakonda to Yahudi iti hadua hai hadua, rauli, “Noumbami katahanaina? Ane tauli hangko i Pue Ala kuasaNa, ina Nauliangaake: ‘Ane nodo, moapari hai barakau mepoinalai i Yohane?’

Matiu 16:7

Agaiana lolita iti bara raisa lempona. Mewali mololitamohe hadua hai hadua, rauli, “Ido hai Nauli nodo, lawi barake moanti roti.”

Matiu 21:34

Hawemi tempona mopupu wua anggoro, natudumi bahangkia hawina lao merapi kirana hangko i topokadipura bondena.

Lukasi 20:13

Roo indo, naulimi ampu bonde iti, ‘Apa au hangangaa kubabehi? Aginami anangku au kupokaahi kutudu lao. Babila ina raadai.’

Lukasi 20:15

Mewali, rahaka mpuumi, rabisoso lao i raoa bonde hai rapapate.” Roo indo, napapulo Yesu lolitaNa, Nauli, “Ane mesule ampu bonde iti, apa au ina nababehi?