Lukasi 2:21 - Sura Malelaha

²¹ Kahandana ualu alona tinuwuNa, anangkoi iti ratile moula adanda to Yahudi. Hai i tempo iti, Yesu rahanga moula lolitana malaeka hangko damani Yesu nakantimia inaNa.

Lukasi 2:21 교차 참조

Lukasi 1:59

Handami ualu alona tinuwuna anana Sakaria iti, maimohe ope-ope hintongginda hai halalunda mobabehi ada mpetile moula adanda to Yahudi. Tunggaianda bona anangkoi iti rahanga Sakaria moula hangana umana.

Lukasi 1:31

Ina mantimiko, hai ina moanako hadua tobalilo au hangangaa nuhanga Yesu.

Pilipi 2:8

I tempona tuwo mewali manusia i wongko dunia ide, ia mengkaiwoi hai moula hawana Pue Ala, duuna mate rapaku i kau mombehape hihimbela hai tauna au kadake.

Matiu 3:15

Agaiana nahanai Yesu, Nauli, “NuriumoNa. Hintotomi au nubabehi ide bona tapabukei ope-ope peundeana Pue Ala.” Hangko indo, nariu mpuumi.

Matiu 1:25

agaiana bara manihe hampapaturua duuna Maria moana. I pesupaana Anangkoi iti, Yusupu mohanga anangkoi iti Yesu.

Matiu 1:21

Maria ina moana hadua tobalilo. Anangkoi iti, hangangaa nuhanga ‘Yesu’, lawi Ia au ina mohorema taunaNa hangko i dosanda.”