Lukasi 19:9 - Sura Malelaha

⁹ Nauli Yesu, “I alo ide, oio hai ope-ope tinamu tehoremamokau, lawi mepoinalaimokau i Pue Ala nodo Burahima toiorunta.

Lukasi 19:9 교차 참조

Galatia 3:7

Mewali, taisami halalu: hema au mepoinalai, ihira au teimba pemuleana Burahima.

Lukasi 13:16

Inde, ara hadua towawine au pemuleana wori Burahima; hampulomi hai ualu parena nahilu Datu Tokadake. Bara pae hintoto ane towawine ide rakabaha hangko i karatakana i Alo Pengkarooangaa?”

Roma 4:16

Mewali, naimbake Pue Ala manoto i peitaNa anti pepoinalainta bona apa au nadandi Pue Ala iti tadoko mbero pea hangko i kabulaNa laluNa bona ope-ope pemuleana Burahima batena molambi apa au Nadandi. Dandina Pue Ala iti bara pea kiranda to Yahudi au moisa Aturana Musa. Agaiana mewali wori kiranda au mepoinalai i Pue Ala nodo Burahima. Lawi Burahima tapoumami ope-opeke.

1 Peturu 2:10

Hangkoia, barakau taunaNa, agaiana ide-ide mewalimokau taunaNa. Hangkoia, barakau Napokaahi, agaiana ide-ide molambimokau pepokaahiNa.

Galatia 3:29

Anti pohintuwuta hai Kerisitu, Naimbamoke pemuleana Burahima, hai batena mohumbake apa au nadandi Pue Ala, iria.

Galatia 3:14

Tunggaiana Yesu mate rapaku i kau bona tauna au barahe to Yahudi peisa worihe molambi pewati au nadandi Pue Ala i Burahima. Pewati iti tahumba anti pohintuwuta hai Yesu Kerisitu. Mewali, ane mepoinalaike i Yesu Kerisitu, molambike Inao Malelaha au nadandimi Pue Ala.

Lukasi 3:8

Ane tou-tou menosokau hangko i dosami, nibabehimide babehia au maroa. Hai inee nauli lalumi: ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi: ane naunde Pue Ala, pemuleana Burahima peisa Napopewali hangko i watu ide.

Lukasi 2:30

Kuita matami Datu Topehorema au hangko Irio Pue,

Lukasi 13:30

Kahopoana, tauna au tepaibokoa ina mewali tepaiorua. Hai tauna au tepaiorua ina mewali tepaibokoa.”

Lukasi 16:24

Mekakiomi topebuku iti, nauli: ‘Uma Burahima! Nupokaahina wongkoia! Nutuduana Lasaru moeme karawena i owai bona mai motudoi dilangku. Mapari ntepuu kuhadi i lalu api ide!’

Lukasi 16:30

Nauli topebuku iti, ‘Uma Burahima, ane iti pea, bara handa! Ane nutudu hadua tomate au tuwo hule lao mololita irihira, hangko mampenosoirihe dosanda!’