Lukasi 19:38 - Sura Malelaha

³⁸ Monani-nanihe, rauli, “Rawatimi Datu au mai i lalu hangana Pue! Maroa hulemi pohintuwuta hai Pue Ala. Tetoiami Pue au i suruga!”

Lukasi 19:38 교차 참조

Lukasi 13:35

Bona niisa: ina napalehikau Pue Ala! Tou mpuu Kuuliangaakau, barapoNa niita, duuna hawe tempona niuli: ‘Rawatimi tauna au mai i lalu hangana Pue!’ ”

Matiu 21:9

Bosa tauna au meula i Yesu, arahe au moioru, ara worihe au i boko. Mogee-gee liliuhe, rauli, “Tetoiami pemuleana Datu Daudi! Rawatimi tauna au mai i lalu hangana Pue! Tetoiami Pue Ala au indora i suruga!”

1 Peturu 1:12

Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.

1 Timotiu 1:17

Pue Ala, Datu au poparentaNa bara mokahopoa, hintoto mpuu rabila hai ratoia, lawi Ia tuwo i hae-haena, au bara taita, hai au bara ara hasimbelana. Tapomahile hai tatoia hangaNa hawe i hae-haena. Amin.

Epesu 1:12

Nababehi nodo, bona ikami to Yahudi au nguru-nguruna meharunga i Kerisitu motoia hai mampomahile Pue Ala.

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Epesu 1:6

Ido hai tatoiami Pue Ala, lawi mahile mpuu ahiNa irikita. Hangko i kabulana laluNa, Nawei mberomoke ahiNa anti pohintuwuta hai Yesu, AnaNa au Napokaahi.

Roma 5:1

Mewali, ide-ide manotomoke i peitana Pue Ala anti pepoinalainta. Ido hai maroami pohintuwuta hai Pue Ala anti kanatanga-tangainta Amputa Yesu Kerisitu.

Kolose 1:20

Pue Ala mohuhu AnaNa mate i kau mombehape, bona ope-ope au ara rapahintuwu hule hai Ia, maroa au i dunia maroa au i suruga. Kapatena Yesu i kau mombehape mopahintuwu hinangkana hai Pue Ala.

Epesu 3:21

Ido hai hintoto mpuu Pue Ala tapomahile anti kamaroana Kerisitu Yesu irikita au mepoinalai. Tetoiami Pue Ala mepongka ide-ide hawe i hae-haena. Amin.

Epesu 3:10

Tunggaiana Pue Ala iami bona ide-ide melempo i pohintuwunda tauna au mepoinalai Iria, maroa to Yahudi ba au bara to Yahudi, ope-ope topoparenta hai ope-ope au makuasa i suruga ina moisa kamatopana Pue Ala mampobago hinangka tunggaiaNa.

Matiu 2:2

Mekunemohe i to Yerusale, rauli, “Iumba Datunda to Yahudi au hangko rapoanaka iti? Kiitami betue i Mata alo au mopakanoto pesupaNa. Ido hai maingkai, lawi kipeinao menomba Iria.”

Matiu 25:40

Hai Iko Datu, Kuhanaihe, ‘Bona niisa, apa au nibabehi motulungi halaluNgku, nauri hadua pea halaluNgku au meahi-ahi katuwona, lempona, himbelami hai nibabehi Iriko.’