Lukasi 19:16 - Sura Malelaha

¹⁶ Au nguru-nguruna mai iria, nauli, ‘Datu, hangkoia nuhuhuana hampeka doi bulawa. Idemi anana, hampulo wori pekana doi bulawa.’

Lukasi 19:16 교차 참조

1 Korintu 15:10

Agaiana anti kabulana laluna Pue Ala hai anti kaNatulungingku, ido hai raangkana mewali suroNa hawe ide-ide. Hai mobundu mpuu kabulana laluNa hai petulungiNa iriko. Lawi mepongka i karaangkaku, meliu pobagongku i Pue hangko i ope-ope surona Pue Yesu au ntanina. Ane rohongku pea haduduangku, bara kubuku mampopolumao bago iti agaiana anti kabulana laluNa Pue Ala hai anti kaNatulungingku, ido hai kubuku.

Lukasi 19:13

Mewali, hangko damani padu, mokakiomi hampulo hawina, hai naweihe hadua-hadua hampeka doi bulawa. Naulimi tuana iti i hawina: ‘Doi au kuweikau ide, hangangaa nipopolumao bona i pesuleangku deade, ara anana.’

Lukasi 19:15

Nauri nodo, tuana iti ralanti pea, hai mesule lao i boeana. I pesulena, nakakiomohe hawina, mampekune noumba karapopolumaona doina.

Lukasi 19:17

Nauli datu iti: ‘Maroa mpuu kanupopolumaona bago au kuweiko. Oio hawi au maroa. Mewali, anti kamanotomu i bago au koi, ina kupoinalaiko motadulakoi hampulo boea.’