Lukasi 18:37 - Sura Malelaha

³⁷ Rahanai tauna bosa, “Yesu to Nasare melempo!”

Lukasi 18:37 교차 참조

Matiu 2:23

hai maidahe i boea au rahanga Nasare. Mewali tepabukeimi lolitanda nabi hangkoia kana i Datu Topehompo au manguli node: Ia ina rauli to Nasare.

2 Korintu 6:2

I lalu Sura Malelaha Pue Ala mongkora node: “I tempo au Kupakanoto, Kupehadingimi pekakaemu, I alo pehorema, Kutulungimoko.” Halalu, kuuliangaakau, ide-idemi tempo au napakanoto Pue Ala motulungikau. Temponami ina Nahoremakau hangko i huku dosami.

Suro 4:10

Mewali bona niisa, hai bona raisa wori ope-ope halalunta to Yahudi, tauna ide maoha hai nabuku meangka inde anti kuasana Yesu Kerisitu to Nasare. Yesu iti nipaku i kau mombehape, agaiana Pue Ala mopatuwo hule.

Suro 2:22

Hai napaliliu mbuli Peturu lolitana, nauli, “Halalungku to Yahudi! Nipehadingi apa au kuuliangaakau ide. Au kutunggai iami Yesu to Nasare. Ia pea au napilei hai napakanoto Pue Ala mewali TopobagoNa au Malelaha. Iti niisa lawi anti kuasana Pue Ala, Pue Yesu mobabehi ngkaia tanda kuasa hai tanda au metingkarai i olomi.

Yohane 19:19

Pilatu motudu surodadona mopataka pata i kau popakuana Yesu au rapoukii: YESU TO NASARE, DATUNDA TO YAHUDI.

Yohane 1:45

Hangko inditi, lao worimi Pilipu mampombelambia rangana au rahanga Natanael, nauliangaa, “Kilambimi Datu Topehompo, nodo au teuki i lalu Sura Aturana Musa hai suranda nabi hangkoia! Hangana Yesu. Ia anana Yusupu hangko i boea Nasare.”

Lukasi 2:51

Roo indo, lao sambelamohe i Nasare, hai Yesu mampeulai ope-ope hawanda. Ope-ope au mewali iti batena napailalu inaNa.

Lukasi 18:36

Pohadina tauna bosa moliu, mekunemi, nauli, “Apari au mewali?”

Lukasi 18:38

Kanahadina tobilo iti lolitanda, meraroami, nauli, “Yesu, pemuleana Datu Daudi! Nupokaahi wongkoia!”