Lukasi 18:21 - Sura Malelaha

²¹ Nauli tauna iti, “Ope-ope hawa iti, aminami kupeulai hangko koi-koi peamona.”

Lukasi 18:21 교차 참조

Pilipi 3:6

I tempo iti mampeulai mpuuna agama Yahudi, duuna kupari-pari mampopeahi-ahi tauna au mepoinalai i Yesu. Kupeulai hinangka parenta au teuki i lalu Aturana Musa, bara ara tauna au peisa molambi kamasalangku.

Lukasi 15:7

Nodo wori i suruga, ane hadua tauna au madosa menoso hangko i dosana, melumbu kamatanana Pue Ala mampokatana tauna iti pane hahio pulona hai hahio tauna au manoto au bara paraluu menoso.”

Lukasi 15:29

Agaiana nauli, ‘I pare-parena madotana mobago irio, Uma. Bara hambela kutaronta hawamu. Nauri nodo, apami au nuweina? Mogalori hambaa towau, bara mani ara au nuweina bona mobabehina susa hihimbela hai himadangku.

Lukasi 18:20

Nuisami hawa au teuki i lalu Aturana Musa: inee mebualosi, inee mepapate, inee manangka, ineekau mohowara dongko, hai bila umamu hai inamu.”

Lukasi 18:22

Kanahadina Yesu lolitana, Naulimi, “Ara mani hampaka au hangangaa nubabehi. Laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko, meulamoko Iriko.”