Lukasi 16:8 - Sura Malelaha

⁸ Kanahadina topebuku iti apa au nababehi topobagona, natoia lawi nauri motengko babehiana agaiana naisa mampekiri karao bona maroa katuwona. Lawi nauri kadake babehianda, agaiana raisa wori mampekiri karao bona maroa katuwonda i alo au ina mai. Kamapandenda melumbu pane tauna au mengkoru i Pue Ala.

Lukasi 16:8 교차 참조

1 Tesalonika 5:5

Ikamu ope-ope arakau i lalu kamabaa. Lempona, mobabehikau apa au maroa; barake nodo tauna au ara i lalu kamakaindi.

Epesu 5:8

Hangkoia, makaindi mani lalumi, agaiana ide-ide mabaami lalumi anti pohintuwumi hai Pue. Mewali, hangangaa tuwokau i lalu kamabaa.

Lukasi 16:10

Ane hadua tauna peisa rapoinalai i anu-anu au haodi, ia peisa wori rapoinalai i anu-anu au ngkaia. Agaiana ane bara manoto pokadipurana anu-anu au haodi, apa mani pokadipurana anu-anu au ngkaia!

Yohane 12:36

Mepoinalaimokau Iriko i tempoKu mani mewangka i olomi bona mabaa lalumi.” Karoona Yesu mopahawe ope-ope iti, padumi hangko inditi, hai barapi mopatongawa wataNa i tauna bosa.

1 Yohane 3:10

Idemi au mopatongawa kahemana au napoana Pue Ala hai kahemana au napoana Datu Tokadake: ope-ope tauna au bara mobabehi apa au manoto, barahe napoana Pue Ala. Nodo wori, ope-ope tauna au bara mampokaahi halalunda, barahe napoana Pue Ala.

Lukasi 16:4

Hangko indo, nauli laluna, ‘Aa, ide-ide kuisami! Lawi ina rakabahana hangko i bagongku, agina mohaokina hampai himadangku au bosa bona radokona i sounda.’

Lukasi 20:34

Nahanai Yesu, “Tauna au tuwo ide-ide, motambi hai rapopotambihe.

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.

Pilipi 3:19

Tauna au nodo batenda molambi pehuku i lalu naraka. Mampenombaihe peundeana watanda haduduanda. Mampomahilehe babehianda au mepakaea. Mopaioruhe katuwonda i dunia ide.

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

Lukasi 18:6

Roo indo, nauli Pue Yesu, “Nipekiri apa au nauli topebotusi iti. Nauri bara manoto laluna, agaiana naunde motulungi tobemba au merapi tulungi liliu iria.

Matiu 17:26

Nahanai Peturu, “Manoto tauna au maida i tampo au nakamumu.” Nauli Yesu, “Ane nodo, taunana haduduana bara paraluu mobaiari. Nodo wori ikita au mewali taunana Pue Ala, barake hangangaa mobaiari asele Souna Pue Ala.

Lukasi 16:7

Roo indo, lao i tauna au hadua, nauliangaa, ‘Oio, hangkia indamu?’ Nahanai, ‘Hasabu karuna pare.’ Nauli topobago iti, ‘Idemi sura indamu. Mohudamoko, nuuki inde ualu pea atuna karuna.’

Lukasi 20:35

Agaiana tauna au hintoto molambi kiranda i dunia au wou hai au napatuwo hulehe Pue Ala, barapohe motambi ba rapopotambi.