Lukasi 16:14 - Sura Malelaha

¹⁴ Karahadina toParisi lolitana Yesu, raele-eleri, lawi mohahaoki peahe doi.

Lukasi 16:14 교차 참조

Lukasi 23:35

Bosa tauna meangka i woi kau mombehape mampengoa Yesu. Ara worihe tadulakonda to Yahudi au mopapakoi Ia, rauli, “Peita! Ia motulungi tauna ntanina, agaiana wataNa bara Nabuku Natulungi. Ane tou-tou mpuu kaIana Datu Topehompo au napilei Pue Ala, hangangaa mendaulu hangko i kau mombehape iti!”

Lukasi 20:47

Mopakanawohe towawine au bemba bona rarampaki sounda. Hai mekakaehe mahae-hae motabungihi babehianda au kadake. Ina mantimi mpuu karahukunda!”

Lukasi 12:15

Roo indo, mololitami Yesu i tauna bosa, Nauli, “Mainga-ingakau hai maroa-roakau, ineekau mampeinao morampu anu-anu dunia. Lawi kehapiri ngkaia anu-anumi, barari iti au mopaara katuwo maroa.”

Ibarani 11:36

Arahe au rakakabosai hai rakandangi, ara worihe au rataka hai ratarunggu.

2 Timotiu 3:2

Bosa tauna ina mampokakaia peahe watanda haduduanda, mampeinaohe mewali topebuku, mampopetoiahe, mampemahilehe, hai mokakabosaihe ranganda. Barahe mengkoru i tosaenda, bara raisa manguli ngkaia kamaroana i Pue Ala, hai barahe mobila Pue Ala.

Lukasi 8:53

Tauna iti moele-elehe Yesu, lawi raisa kamatenatomi anangkoi towawine iti.

Matiu 23:13

Hurewumokau, guru agama hai toParisi! Batena ina molambikau rugi, lawi maroa i raoa peakau! Bara niunde mampeulai paturoNgku bona mewalikau taunana Pue Ala i lalu poparentaNa. Hai tauna ntanina au mau, nikonto.

Matiu 9:24

Nauliangaahe, “Pelohokau ope-ope hangko inde. Anangkoi ide bara mate. Leta pea.” Karahadina, raele-eleri.