Lukasi 16:13 - Sura Malelaha

¹³ Bara ara hadua tauna au nabuku mampobagoa rodua tauna, lawi hadua ina napokaahi, hai hadua nakahihi. Hadua ina napeulai hawana, hai hadua nakoi hawana. Nodo wori ikamu, barakau peisa mampeulai peundeana Pue Ala hai mohahaoki wori anu-anu dunia.”

Lukasi 16:13 교차 참조

Matiu 6:24

“Bara ara hadua tauna au nabuku mampobagoa rodua tauna, lawi hadua ina napokaahi, hai hadua nakahihi. Hadua ina napeulai hawana, hai hadua bara napeulai. Nodo wori ikamu, barakau peisa mampeulai peundeana Pue Ala, hai mohaoki worikau anu-anu dunia.”

Lukasi 14:26

“Ikamu au mampeinao meula Iriko, nipehadingi! Hema au melumbu pampokakaiana inana ba umana, towawinena ba anana, halaluna ba watana haduduana hangko i ahina Iriko, ia bara peisa mewali topeulaNgku.

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!

Lukasi 11:23

Hema au bara hihimbela hai Iko, iami iwaliNgku. Hema au baraNa motulungi mobago, ia moewaNa.”

Lukasi 16:9

Ido hai Kuuliangaakau: tauna au mengkoru i Pue Ala hangangaa mampekirihe karao. Anu-anumi i dunia ide hangangaa nipake motulungi hangka rangami bona ane hawe tempona anu-anumi iti barapi mobundu, ina radokokau i paidaa au maroa duuna i hae-haena.

Matiu 4:10

Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Lukasi 9:50

Nahanai Yesu, nauli, “Inee rakonto, lawi hema au barahe meewa irikamu, ihirami au hihimbela hai ikamu.”

Lukasi 16:12

Hai ane bara niisa mokadipura maroa anu-anunda tauna ntanina au rapoinalaiakau, hema pae ina moweikau anu-anu au mewali anumi haduduami?