Lukasi 15:17 - Sura Malelaha

¹⁷ Kahopoana, mokatuinaomi umana, hai nauli laluna, ‘I souna umangku, mogalorihe topobago, melabi-labi paandenda, agaiana iko, ina mateohomona inde.

Lukasi 15:17 교차 참조

Epesu 5:14

Ido hai ara lolita au manguli: “Mearomokau au leta, Mearomokau hangko i kapate, hai Kerisitu ina mowangkahikau.”

Suro 2:37

Karahadina tauna bosa lolitana Peturu iti, tebalikimi lalunda, hai mekunehe i Peturu hai i surona Pue Yesu au ntanina, rauli, “Halalu-halalu, ane nodo, apami au hangangaa kibabehi?”

Lukasi 16:23

Agaiana topebuku iti raanti i paidaa tomate, hai inditi ia mantodiha liliu. Roo indo, mengoami hai moita ngkarao Burahima. Lasaru mohuda i holana.

Lukasi 8:35

Roo indo, lao mpuumohe ampu boea bona moitahe apa au mewali. Kahawenda i Yesu, raitami tauna au napesuangi seta inona, mohuda nodo tauna biasa i holana Yesu, mebadu hai manotomi pekirina. Ido hai langamohe.

Lukasi 15:16

Anti kamarimina, napeinaomi moande paande boe. Nauri nodo, bara ara au mokira paande boena.

Suro 12:11

Hangko indo, naisami Peturu kadanato mangipi, hai nauli, “Tou mpuu wei! Pue motudumi malaekaNa maina mokabaha hangko i kuasana Herode hai hangko i ope-ope au ratunggai to Yahudi iriko.”