Lukasi 13:33 - Sura Malelaha

³³ Agaiana kehapiri nodo, hangangaa molumao liliuNa monontohi Yerusale. Lawi bara hintoto ane hadua nabi rapapate i raoa wanua Yerusale.

Lukasi 13:33 교차 참조

Lukasi 9:53

Agaiana ampu boea iti, barahe mau modoko Yesu, lawi raisa tunggaiaNa lao i Yerusale.

Matiu 21:11

Rahanai tauna au hihimbela hai Ia, “Idemi Yesu, hadua nabi hangko i Nasare i tampo Galilea.”

Suro 13:27

Lawi ampu wanua Yerusale hai tadulakonda, barahe moisa kahemana Yesu iti. Barahe moisa lempona lolitanda nabi-nabi au rabasa i alo-alo Penombaa. Ido hai mohuku matehe Yesu. Agaiana apa au rababehi iti mewali bona tepabukei apa au rauli nabi-nabi hangkoia.

Matiu 20:18

“Nipehadingi maroa! Ide-ide laomoke monontohi Yerusale. Inditimi, Iko Ana Manusia ina rahuhuNa i kapala-kapala tadulako mpenomba hai guru-guru agama, hai ina rabotusi bona rahuku mateNa.

Yohane 11:54

Ido hai Yesu barapi mampatongawa i olonda to Yahudi bona datipi raita tauna bosa. Padumi Yesu hangko inditi lao i boea au rahanga Epraim i wiwi pada wungi. Maidami inditi hihimbela hai topeguruNa.

Yohane 9:4

Hangangaa tapopolumao bagona Pue Ala au motuduNa, liana mani mabaa. Tempo kaindi ina hawemi, hai ane kaindimi barapi ara tauna au peisa mobago.

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Yohane 12:35

Nauliangaahe Yesu, “Hampalai pearai, pewangka au mopamabaakau ide-ide barapi ina ara hihimbela hai ikamu. Molumao liliumokau i lalu kamabaana i tempona pewangka iti ara mani irikamu bona datikau narumpa kamakaindi. Tauna au molumao i lalu kakaindiana, bara raisa iumba kalaoanda.

Yohane 11:9

Nauliangaahe Yesu, “I lalu hangaloa, bara pae hampulo hai rojaa? Tauna au molumao mabaa, barahe ina tehube. Moitahe raranda, lawi ara pewangka mopamabaa dunia ide.