Lukasi 13:16 - Sura Malelaha

¹⁶ Inde, ara hadua towawine au pemuleana wori Burahima; hampulomi hai ualu parena nahilu Datu Tokadake. Bara pae hintoto ane towawine ide rakabaha hangko i karatakana i Alo Pengkarooangaa?”

Lukasi 13:16 교차 참조

Markus 2:27

Hangko inditi, nauli mbuli Yesu, “Pue Ala bara mobabehi Alo Pengkarooangaa bona mopakapari tauna hai atura-atura au mantimi. Agaiana Alo Pengkarooangaa Nababehi Pue Ala bona motulungi tauna.

Suro 13:26

“Halalungku pemuleana Burahima, hai ikamu wori au barakau to Yahudi au menombakau i Pue Ala: irikita rapahawe bambari au mopakanoto rara bona peisake tekabaha hangko i huku dosanta.

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Lukasi 19:9

Nauli Yesu, “I alo ide, oio hai ope-ope tinamu tehoremamokau, lawi mepoinalaimokau i Pue Ala nodo Burahima toiorunta.

Lukasi 3:8

Ane tou-tou menosokau hangko i dosami, nibabehimide babehia au maroa. Hai inee nauli lalumi: ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi: ane naunde Pue Ala, pemuleana Burahima peisa Napopewali hangko i watu ide.

Matiu 4:10

Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Lukasi 16:24

Mekakiomi topebuku iti, nauli: ‘Uma Burahima! Nupokaahina wongkoia! Nutuduana Lasaru moeme karawena i owai bona mai motudoi dilangku. Mapari ntepuu kuhadi i lalu api ide!’