Lukasi 12:58 - Sura Malelaha

⁵⁸ Agina nibotusi sadudua apa au maroa i tempona mani ara katepakami. Ane rapana, ara hadua tauna au mampeinao mosalaiko i lindona tadulako boea, hangangaa modamekau. Lawi ane barakau modame, ina naanti mpuuko lao i topebotusi, hai topebotusi iti ina mohuhuko i pulisi, hai pulisi ina mampopesuako i lalu tarunggu.

Lukasi 12:58 교차 참조

Matiu 18:30

Agaiana bara napoinalai pamperapina iti. Napopesua pea i lalu tarunggu duuna tebaiari ope-ope indana.

2 Korintu 6:2

I lalu Sura Malelaha Pue Ala mongkora node: “I tempo au Kupakanoto, Kupehadingimi pekakaemu, I alo pehorema, Kutulungimoko.” Halalu, kuuliangaakau, ide-idemi tempo au napakanoto Pue Ala motulungikau. Temponami ina Nahoremakau hangko i huku dosami.

Pampetudungia 20:7

Ane liumi tempo hasabu parena iti, Datu Tokadake ina rakabaha hangko i karatarungguana,

1 Peturu 3:19

Hai anti kuasana Inao Malelaha, Ia laomi mopahawe bambari hangko i Pue Ala i tanoananda tomate au ratarunggu i paidaanda tomate.

2 Peturu 1:15

Ido hai kupari-pari mopaturokau bona ane matemona, ina nikatuinao liliu ope-ope paturongku ide.

Yudasi 1:3

Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.