Lukasi 12:48 - Sura Malelaha

⁴⁸ Agaiana ane ara hadua hawi au bara woia moisa peundeana ampuna hai mobabehi au sala, bara rumihi karapapahaina. Lawi hema au rawei ngkaia, ngkaia wori au ina raperapi hangko iria. Hai ane ngkaia au rapoinalaia hadua tauna, ngkaia wori au ina rahaoki hangko iria.”

Lukasi 12:48 교차 참조

Yakobu 3:1

Halalu-halalungku! Ineekau bosa au mampeinao mewali guru agama. Lawi taisami halalu, tauna au mewali guru agama hangangaa mampeulai peundeana Pue Ala, hai ane masalake ina melumbu pehukuNa irikita pane pehukuNa i tauna ntani.

Yohane 15:22

Ane kebaraNa mai mopaturohe, kebara worihe masala. Agaiana, lawi mai mpuumoNa mopaturohe, ido hai barapi ara rara mosapuaka kamasalanda.

Matiu 13:12

Tauna au mampoinalai Ngkorana Pue Ala, rapakanoto lalunda bona katetetambaia au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.

1 Timotiu 1:13

Hangkoia mopapakoina Yesu hai mampopeahi-ahihe tauna au mepoinalai Iria. Agaiana nauri nodo, Napokaahi mpuuna, lawi i tempo iti bara manina mepoinalai Iria hai bara mani kuisa lempona apa au kubabehi.

Suro 17:30

Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.

1 Timotiu 1:11

Paturo au tou iti talambi i lalu Ngkora Marasa hangko i Pue Ala au mahile tuwoNa hai au hintoto ratoia. Ngkora Marasa iti napoinalaiana Pue Ala bona kubambari i ope-ope tauna.

Lukasi 16:2

Ido hai topebuku iti mokakio topobagona, nauliangaa, ‘Ara lolita au rapahaweana kana i pobagomu. Ba tou ba bara? Mewali, hangangaa nupasilolonga ope-ope suramu bona kuparesa. Roo naparesa, nauli topebuku iti, Oio barapoko ina mokadipura doingku hai anu-anungku.’

1 Timotiu 6:20

Oio Timotiu, napoinalaiamoko Pue Ala moanti paturo au manoto. Mewali, hangangaa nukingki maroa paturo iti dati ara au mobaliki. Karaohi lolita au bara mobundu hai paturo au bara manoto au rauli kapande agaiana bara tou.

Titu 1:3

Mewali, i tempo au Napakanoto, Napopaisaake rara molambi katuwo maroa melempo i bagongku mobambari Ngkora. Bago iti Napoinalaiana moula hawana Pue Ala, au mohoremake hangko i huku dosanta.

Lukasi 12:41

Napekune Peturu i Yesu, “Pue, hema au Nutunggai i lalu ngkora pandiri iti, ba ikami pea ba tauna bosa worihe?”

Lukasi 12:49

“MaiNa moanti api i dunia. Maroa mpuu ane api iti rore.

Matiu 23:14

[Marugikau, guru agama hai toParisi! Lawi maroa i raoa peakau! Niuli motulungikau towawine tobemba au meahi-ahi tuwonda. Agaiana katouana nipakanawo peahe hai nirampaki sounda. Hai roo indo, mekakaekau mahae-hae motabungihi babehiami au kadake. Ido hai pane ina rahuku mantimikau!]