Lukasi 12:15 - Sura Malelaha

¹⁵ Roo indo, mololitami Yesu i tauna bosa, Nauli, “Mainga-ingakau hai maroa-roakau, ineekau mampeinao morampu anu-anu dunia. Lawi kehapiri ngkaia anu-anumi, barari iti au mopaara katuwo maroa.”

Lukasi 12:15 교차 참조

Ibarani 13:5

Inee worikau mohaoki liliu doi. Nipokatana apa au ara irikamu. Lawi ara lolitana Pue Ala au manguli: “Barako Kupalehi, hai barako Kukabaha.”

2 Timotiu 3:2

Bosa tauna ina mampokakaia peahe watanda haduduanda, mampeinaohe mewali topebuku, mampopetoiahe, mampemahilehe, hai mokakabosaihe ranganda. Barahe mengkoru i tosaenda, bara raisa manguli ngkaia kamaroana i Pue Ala, hai barahe mobila Pue Ala.

Lukasi 16:14

Karahadina toParisi lolitana Yesu, raele-eleri, lawi mohahaoki peahe doi.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

Lukasi 8:14

Tinuda au manawo i lalu dui, lempona mohaditohe Ngkorana Pue Ala, agaiana mopailalu liliu peahe katuwonda i lalu dunia ide, hai mampeinao peahe morampu peawa dunia. Lalunda nabukehi paka-pakana dake. Ope-ope iti mopaara pea kadana tinda lalunda, alana barapohe mepoinalai hai bara mobundu Ngkorana Pue Ala i lalu katuwonda.

2 Peturu 2:3

Guru au mepakanawo iti mohaoki peahe doi, mewali ina rapahaweakau lolita au rababehi haduduanda bona molambihe rasi hangko irikamu. Agaiana ara pehuku au mahaemi napasilolongaahe Pue Ala, hai karahukunda iti ina holiga mewali.

Markus 7:22

mebualosi, mampokaelu anu-anuna rangana, hai au mobabehi mampopengaa au kadake. Ara worihe au mepakanawo, nakuasai peundeana laluna au kadake, mahina, mepakadake, mampemahile, hai bara mau modoko paturo.

1 Korintu 6:10

au manangka, au mehioro, au malangu-langu, au mepakadake, hai au modongko. Tauna au nodo, barahe mewali taunana Pue Ala i lalu poparentaNa.

Lukasi 21:34

“Mainga-ingakau, datikau mosusa-susa hai malangu-langu liliu. Mainga-ingakau datikau mampepekiri liliu katuwomi i dunia ide, alana mampomaleakau. Lawi alo kahaweNgku hule unga pea ina morumpa ope-ope tauna i dunia. KahaweNgku hule iti peisa rapandiri nodo tilobu au mopakanawo tauna au mampomalea.

2 Peturu 2:14

Ane mototokihe towawine, liliu rapokaelu, lawi raunde peami mobabehi au merikai. Barahe baha mobabehi dosa. Ane ara tauna au malede pepoinalainda, raopahe hai rapakanawo. Tauna au mepakanawo iti, mampokaelu liliuhe anu-anuna ranganda. Hararahe.

Lukasi 12:16

Ido hai napahawe Yesu ngkora pandiri ide, Nauli, “Ara hadua topebuku, ngkaia tampona hai maroa tuda-tudana.