Lukasi 11:41 - Sura Malelaha

⁴¹ Apa au ara irikamu hangangaa niweihe tauna au meahi-ahi tuwonda. Ane nodo nibabehi, ina mewali mpuukau tauna au malelaha.

Lukasi 11:41 교차 참조

Lukasi 12:33

Ido hai Kuuli, nipobalumi anu-anumi, hai holona niweihe tauna au meahi-ahi tuwonda. Lawi ane nibabehi nodo, mowolikau anu-anumi i lalu kusau au bara peisa mahepa, lempona, i lalu suruga. Anu-anumi iti bara ina matanta, lawi bara peisa rapanangka hai bara peisa naande bubu.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.

Titu 1:15

Tauna au malelaha, bara ara palianda. Agaiana i tauna au kadake hai au barahe mepoinalai, bara ara hampaka au malelaha, lawi maroa pekirinda ba lalunda kadake hahami.

Ibarani 13:16

Ineekau mokabaha babehiami au maroa. Hangangaa motulungikau rangami, lawi itimi popenomba au napokatana Pue Ala.

Suro 10:15

Nauli mbuli wotu iti i Peturu, “Apa au nauli Pue Ala maroa, inee nuuli kedai moula ada agamamu.”

Lukasi 16:9

Ido hai Kuuliangaakau: tauna au mengkoru i Pue Ala hangangaa mampekirihe karao. Anu-anumi i dunia ide hangangaa nipake motulungi hangka rangami bona ane hawe tempona anu-anumi iti barapi mobundu, ina radokokau i paidaa au maroa duuna i hae-haena.

Ibarani 6:10

Pue Ala batena manoto. Bagomi au nipobagomi hangko i lalumi au buke ahi bara ina naliu inaoNa. Manoto nipokaahi Pue Ala, lawi bosami belana motulungikau halalumi hampepepoinalai, maroa i tempo au liu, maroa ide-ide.

2 Korintu 8:12

Lawi ane mampeinaoke motulungi ranganta hai mokirake popenombata moula apa au ara irikita, popenombata iti nadoko Pue Ala. Bara Naperapi irikita apa au meliu hangko i pesauruanta.

Lukasi 19:8

Tangana Yesu i lalu sou, meangkami Sakeu hai mololita nauli, “Pue, hantanga hangko i ope-ope anu-anungku ina kuweihe tauna au meahi-ahi tuwonda. Hai hema pea au kubagiu, ina kupopesuleahe iba belana hangko i apa au kubagiungaahe.”

Lukasi 18:22

Kanahadina Yesu lolitana, Naulimi, “Ara mani hampaka au hangangaa nubabehi. Laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko, meulamoko Iriko.”

Matiu 5:42

Ane ara au merapi ba apa pea, nuwei woia. Hai inee nupokabohi i hangka rangamu au mampeinao mebolo irio.”

Epesu 4:28

Tauna au manangka, ineemohe manangka. Aginda mobago bona molambihe apa au raparaluu hai bona peisa worihe motulungi ranganda au mapari.

Suro 11:29

Karahadina to Sarani i Antiokia bambari iti, hintuwumohe motulungi halalu hampepepoinalainda i tampo Yudea. Ido hai mokiramohe doinda moula pesauruanda hadua-hadua.

Matiu 26:11

Ane tauna au meahi-ahi, ara mani katepakami motulungihe lawi ara mpaliliuhe irikamu. Agaiana Iko, baraNa ara liliu irikamu.

Suro 24:17

Bahangkia parena, paduna hangko i Yerusale. Roo indo, lao hulena bona moantina doi petulungi i halalungku to Yahudi hai moantina popenombaku i Pue Ala.

Markus 7:19

Paande au mesua iti bara mopakedai pekirinta. Lawi paande iti mesua pea i lalu tainta, hai hangko inditi liliu tatende.” Hai lolita iti, Napakanotomi Yesu kadana ara paande au rapalia.