Lukasi 10:7 - Sura Malelaha

⁷ Ane radokokau, ineekau melimba-limba. Maidakau i sou iti duumi meangka lao i boea ntanina. Niande hai nienu apa au raweikau lawi hintoto mpuu ane topobago molambi sarona.

Lukasi 10:7 교차 참조

2 Timotiu 2:6

Hai tauna au mampopolumao bagona Pue peisa rapandiri nodo hadua topobonde. Ane ia madota mobago, batena ia au nguru-nguruna moande wua tuda-tudana.

Galatia 6:6

Tauna au modoko paturo kana Ngkorana Pue Ala, hangangaa mampokiraia tauna au mepaturo, hangko i apa pea rasi ba pewati au nahumba.

Lukasi 9:4

Ane radokokau tauna i sou haogu, maidamokau inditi duumi padu lao i boea ntanina.

Markus 6:10

Nauli wori, “Ane hawekau i hambua boea hai arahe tauna au modokokau i sounda, maidamokau inditi duumi meangka lao i boea ntanina.

1 Timotiu 5:13

Mewali, ane mangura manihe, inee rauki hanganda i lalu sura poukia hanga-hanga tobemba. Lawi biasana lohehe mampopolumao bagonda au hintoto i lindona Pue, hai mesonda-sonda pea bagonda. Hai bara pea iti, agaiana moanti-anti worihe lolita i ranganda. Raunde peami mampesuaki urusiana ranganda, hai mopahawe liliuhe lolita au bara hintoto rahowara.

Suro 16:34

Roo indo, kapala tarunggu iti moantihe Paulu hai Silas lao i souna hai napaandehe. Matana mpuuhe tohantambi iti, lawi mepoinalaimohe i Pue Ala.

Suro 16:15

Karoonda Lidia hantambi rariu, napari-parimongkai Lidia lao maida i souna, nauli, “Ane niimbana manoto i lalu pepoinalaingku i Pue Yesu, laomoke i soungku.” Ido hai lao mpuumongkai i souna moula pamperapina.

Suro 16:40

Mewali, padu mpuumohe Paulu hai Silas hangko i tarunggu iti lao i souna Lidia. Inditi mampombelambiamohe halalu hampepepoinalainda, hai rapakaroho lalunda. Roo indo, padumohe mopalehi wanua Pilipi.

Lukasi 10:6

Ane bula lalunda ampu sou iti modokokau, ina nawatihe Pue Ala. Agaiana ane bara maroa lalunda, barahe ina molambi pewati hangko i Pue.