Lukasi 10:29 - Sura Malelaha

²⁹ Agaiana guru agama iti mampeinao mopakanoto babehiana. Ido hai nauli, “Hemahe rangangku au hangangaa kupokaahi?”

Lukasi 10:29 교차 참조

Lukasi 16:15

Agaiana nauliangaahe Yesu, “Mampemanotokau i peitana tauna, agaiana Pue Ala moisa ihi lalumi. Lawi apa au nahaoki manusia, itimi au nakahihi Pue Ala.

Galatia 3:11

Mewali, taisa kadana ara hadua au manoto i peitana Pue Ala anti peulanta i Aturana Musa. Lawi ara wori lolita i lalu Sura Malelaha au manguli node, “Tauna au manoto i peitana Pue Ala molambi katuwo maroa anti pepoinalainda.”

Roma 4:2

Ane rapana Burahima mewali manoto i peitana Pue Ala anti babehiana au maroa, peisa mampemahile. Agaiana bara ara pongkana Burahima mampemahile i lindona Pue Ala, lawi ia bara mewali manoto i peitana Pue Ala anti babehiana au maroa.

Roma 10:3

Barahe mengkoru i Kerisitu bona mewalihe manoto i peitana Pue Ala. Raunde mpuu moula raranda haduduanda, mampeinaohe mopakanoto watanda i poulanda Aturana Musa.

Lukasi 10:36

Roo indo, mekunemi Yesu i guru agama iti, Nauli, “Moula pelambiamu, hangko i tauna au talu inona, hema au mewali rangana tauna au rapakarugi iti?”

Yakobu 2:24

Mewali taisami, tauna au maroa babehianda naimbahe Pue Ala manoto i peitaNa, agaiana tauna au mepoinalai pea hai bara maroa babehiana bara Naimba manoto i peitaNa.

Markus 8:34

Roo indo, Yesu mokakio tauna bosa mogulu hai topeguruNa, hai Nauliangaahe, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.