Hangko i Aturana Musa, taisa kadana ara tauna au manoto. Hai taisa ope-ope i Aturana Musa, mokanaihe to Yahudi au rawei atura iti. Mewali, bara ara hadua tauna au peisa mampololita kamanotona. Ope-ope tauna masalamohe i peitana Pue Ala.
Hangkoia ara lolitana nabi Musa au manguli node: “Hema pea au mampeinao mewali manoto anti peulanda i Aturana Pue Ala molambihe katuwo maroa asala mampeulaihe ope-ope Atura iti.”
Ara hadua guru agama to Yahudi au mampeinao mampetandaka Yesu. Napekune, “Guru, apa au hangangaa kubabehi bona molambina katuwo maroa au bara mokahopoa?”
Nahanai guru agama iti, “Au kubasa, node: ‘Nipokaahi Pue Ala, Ampumi, i sukana kabulana lalumi, i sukana pekirimi, i sukana rohomi, hai i sukana kapandemi.’ Hai teuki wori: ‘Nipokaahi hangka rangami nodo pampokaahimi watami haduduami.’ ”
