Lukasi 10:14 - Sura Malelaha

¹⁴ I alo pebotusi i kahopoa dunia, ina rumihi mpuu pehukuna Pue Ala irikamu pane pehukuNa i to Tirus hai to Sidon.

Lukasi 10:14 교차 참조

Roma 2:1

Ido hai halalu, hema-hema pea bara ara rarana mosalai rangana. Hema au mosalai rangana himbela pea mosalai watana haduduana, lawi apa au nasalaiaa rangana nababehito wori.

Roma 2:27

Kahopoana, babehianda tauna au barahe to Yahudi ina mopatongawa kamasalanta to Yahudi, lawi nauri molambimoke Aturana Musa au teuki, hai ratilemoke moula atura iti, agaiana ikita worimi au moliungi atura iti. Hai tauna au barahe ratile, ihirari au moula Aturana Pue Ala.

Yohane 3:19

Idemi au rahukuahe: Baa hawemi i dunia. Agaiana manusia mounde mani kamakaindi pane kamabaa, lawi kadake babehianda.

Matiu 10:15

Tou mpuu au Kuuliangaakau, i alo pebotusi i kahopoa dunia, meliu pehukuna Pue Ala i tauna iti pane pehukuNa i ampu boea Sodomo hai Gomora hangkoia.”

Matiu 11:21

Nauli Yesu, “Hurewukau to Korasim hai to Betsaida! Ngkaiami tanda kuasa au Kubabehi i boeami, agaiana bara mpuukau menoso hangko i dosami. Ane rapana tanda kuasa iti Kubabehi i lalu wanua Tirus hai Sidon, kemahaemohe menoso hangko i dosanda, nauri barahe to Yahudi. Kemangalamohe waru ngkasusa rapohampi, hai watanda raawui, tanda katebalikinami lalunda.