Kolose 3:9 - Sura Malelaha

⁹ Inee worikau modongko i rangami. Ineemokau mobabehi nodo, lawi nikabahami ope-ope babehiami hangkoia au nodo,

Kolose 3:9 교차 참조

Epesu 4:25

Mewali halalu, nitendemi dongko. Nipololitami apa au tou i hangka rangami, lawi ikita ope-ope hangkirake hangko i Watana Kerisitu.

Epesu 4:22

hangangaa nitendemi babehiami au hangkoia hangko damanikau mepoinalai i Pue. Ope-ope peundeana lalumi au nipeulai i tempo iti mopakanawokau hai mopakarugi katuwomi.

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Roma 6:6

Taisa halalu, katuwonta au hangkoia rapapatemi hihimbela hai Kerisitu i kau mombehape bona dosa barapi makuasa i lalu katuwonta hai barapoke napohawi dosa.

Pampetudungia 22:15

Agaiana tauna au kadake, topedoti, topobabehi au merikai, topepapate, topenomba i anitu, topodongko, hai tauna au mampokatana podongkonda, barahe rapaliu mesua i lalu wanua iti.

Pampetudungia 21:27

Agaiana apa au merikai bara mpuu peisa mesua i lalu. Mewali, tauna au mobabehi dake ba au modongko, barahe peisa mesua. Au peisa mesua, batena pea tauna au teuki hanganda i lalu Surana Ana Dimba, sura poukia hanganda tauna au molambi katuwo maroa au bara mokahopoa.

1 Timotiu 1:10

tauna au mebualosi hai tauna au mobabehi babehia au merikai nodo au rababehi tobalilo hore tobalilo ba towawine hore towawine, tauna au motawani rangana bona rapohawi tauna au mosabi dongko, hai ope-ope tauna au mobabehi apa au bara hintoto hai paturo au tou.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Kolose 3:8

Agaiana ide-ide, hangangaa nikabaha ope-ope babehia kadake iti, nodo: karumpu kahengke pekahihi poanti-anti lolita au bara tou kana i tauna ntanina, petatarahu.