Lawi hambela tempo, ikita ope-ope hangangaa molindo Kerisitu bona Naparesa babehianta, hai ikita ope-ope ina molambi hurungina hintoto hai apa au tababehi tanganta mani tuwo i dunia ide.
I babehia tobalilo hai towawine, ineekau mobabehi sala i tauna ntanina lumbunami i halalumi hampepepoinalai. Hangkoia kipakanotoamokau pehukuna Pue Ala i tauna au mobabehi nodo.
Halalu, ane niuli Pue Ala iti, Umami, hangangaa mengkorukau i Pue Ala tempomi mani maida i dunia ide, nodokau topolilo. Lawi Pue Ala au nipouma iti, iami Topobotusi kara-karanda ope-ope tauna moula babehianda, hai Ia bara mampopontani tauna.
Hai ikamu ampu hawi, hangangaa nipamaroa-roa wori babehiami i hawimi. Ineehe nipopopara. Hangangaa nikatuinao ikamu ampu hai hawi, hadua pea Ampumi, iami Pue i lalu suruga au bara mampopontani tauna.
Lawi aturana Pue Ala au rapahawe malaeka i toiorunta hangkoia bara ara katebaliana. Hai hema pea au bara mampehadingi hai mampeulai atura iti ina molambi pehuku au hintoto hai babehianda,
Kahawenda i Yesu, rauliangaa, “Guru, kiisa katouna lolitaMu hai ope-ope paturoMu. MepaturoKo i katou-touana moula peundeana Pue Ala, hai baraKo mampopontani tauna.
Guru au mepakanawo iti mohume-hume peamohe hai mosasalaihe ranganda. Moula peahe peundeana lalunda au kadake. Anti ope-ope babehianda, mampemahilehe, hai moore-ore peamohe ranganda bona mohumbahe rasi.
Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.
