Kolose 1:20 - Sura Malelaha

²⁰ Pue Ala mohuhu AnaNa mate i kau mombehape, bona ope-ope au ara rapahintuwu hule hai Ia, maroa au i dunia maroa au i suruga. Kapatena Yesu i kau mombehape mopahintuwu hinangkana hai Pue Ala.

Kolose 1:20 교차 참조

Ibarani 2:17

Ido hai Yesu hangangaa mewali manusia au himbela hai ikita halaluNa i paka-pakana bona Ia mewali Tadulako Mpenomba Mahile. Hai i lalu pampopolumaona bagoNa i Pue Ala, Ia matundu hai maahi laluNa. Hai i lalu pobagoNa iti, Ia mopaara kateampunginda manusia.

Roma 5:1

Mewali, ide-ide manotomoke i peitana Pue Ala anti pepoinalainta. Ido hai maroami pohintuwuta hai Pue Ala anti kanatanga-tangainta Amputa Yesu Kerisitu.

Pilipi 2:10

bona ope-ope au tuwo ina mengkoru i Yesu, maroa au i suruga, maroa au i dunia, maroa au i paidaa tomate; ope-opehe ina molingkudu menomba Iria,

Suro 10:30

Mehanami Kornelius, nauli, “Iba alona liu, i tempo au himbela hai ide, tangangku mekakae i soungku tinti talu kalumba, unga pea ara hadua tobalilo au meangka i lindoku. Hampina mengkila-ngkila.

Lukasi 2:14

“Tetoiami Pue Ala au i suruga! Tauna i dunia au napokatana Pue Ala ina molambihe roa ngkatuwo.”

Matiu 1:21

Maria ina moana hadua tobalilo. Anangkoi iti, hangangaa nuhanga ‘Yesu’, lawi Ia au ina mohorema taunaNa hangko i dosanda.”

Kolose 1:16

Lawi Iami au napopatoa Pue Ala mampopewali hinangka au ara, au i suruga hai i dunia, maroa au raita ba au bara raita, tepesua ope-ope au makuasa hai au moparenta. Pue Ala mampopatoa Kerisitu mampopewali hinangkana iti bona Kerisitu rapomahile.