Ibarani 9:2 - Sura Malelaha

^2-3 Sou iti nodo haogu Bambaru. I lalu Bambaru iti, ara hantau rindi bana au moparioloki roogu hologa. Hologa au kaisa rahanga Hologa Malelaha. I lalu hologa iti, ara biti hulo, meja roti popenomba, hai roti au rapopenomba i Pue Ala. Hai i taleu rindi bana iti ara hologa karooguna au rahanga Hologa Malelaha Ntepuu.

Ibarani 9:2 교차 참조

Matiu 5:15

Hai bara ara hadua tauna au mohuwe hulo hai nabobongi. Hulo batena nawoli i paidaana bona pewangkana raita ope-ope tauna i lalu sou.

Matiu 12:4

Ia mesua i lalu sou penombaa, hai moandehe roti au rapopenomba i Pue Ala. Moula ada agamanta, tadulako mpenomba pea au peisa maande roti iti. Agaiana nauri nodo, babehiana Daudi iti bara rasalai.

Ibarani 9:25

Tadulako Mpenomba Mahile agama Yahudi, pare-parena mesua i lalu Hologa Malelaha Ntepuu moanti wahe binata, bara wahena haduduana. Agaiana Kerisitu, bara bosa belana mohuhu wataNa i Pue Ala.