Ibarani 7:9 - Sura Malelaha

⁹ I tempona Burahima mohuhu hangkira hampulo i Melkisedek, himbelami hai pemuleana Lewi au mewalihe tadulako mpenomba au mohuhu hangkira hampulo i Melkisedek, mole ihirari au hintoto modoko hangkira hampulo hangko i hahalalunda.

Ibarani 7:9 교차 참조

Roma 5:12

Dosa mesua i lalu dunia melempo i hadua tauna au moliungi hawana Pue Ala. Dosa iti mopaara kapate i lalu dunia, alana kapate morumpa ope-ope tauna, lawi ope-ope tauna madosami.

Ibarani 7:4

Mewali, peisa taita noumba kamahilena tuwona Melkisedek, lawi mogalori Burahima au mahile tuwona, au rapouma ope-ope to Yahudi, mobila wori Melkisedek hai mowei Melkisedek hangkira hampulo hangko i anu-anuna au nahumba i lalu pombeala.

Matiu 7:8

Lawi hema au merapi ina rawei. Hema au masaoki ina molambi. Hema au motidongko baba, ina rabungkahia.

Ibarani 7:8

Nodo wori Melkisedek meliu kamahilena tuwona pane pemuleana Lewi au mewalihe tadulako mpenomba. Agaiana tadulako mpenomba au molambihe hangkira hampulo iti, iamohe tauna biasa au peisahe mate. Agaiana Melkisedek au molambi wori hangkira hampulo iti, bara ara teuki i lalu Sura Malelaha kana i kapatena, mewali tongawa Melkisedek tuwo liliu.

Ibarani 7:10

Lewi iti, ampu i kuntuna Burahima. I kamaina Melkisedek mampohidupaa Burahima, Lewi bara mani ara. Mewali, ane Melkisedek modoko hangkira hampulo hangko i Burahima, manoto Melkisedek i wongko tuwona hangko i Lewi hai pemuleanahe.