Ibarani 7:8 - Sura Malelaha

⁸ Nodo wori Melkisedek meliu kamahilena tuwona pane pemuleana Lewi au mewalihe tadulako mpenomba. Agaiana tadulako mpenomba au molambihe hangkira hampulo iti, iamohe tauna biasa au peisahe mate. Agaiana Melkisedek au molambi wori hangkira hampulo iti, bara ara teuki i lalu Sura Malelaha kana i kapatena, mewali tongawa Melkisedek tuwo liliu.

Ibarani 7:8 교차 참조

Ibarani 6:20

Barake langa hawe i lindoNa, lawi Yesu moiorumi mesua inditi, mobungkahiake rara bona taula. Yesu, au mopaliliu bagona Melkisedek, mewali Tadulako Mpenomba Mahilenta hawe i hae-haena.

Ibarani 5:6

Hai i lalu Sura Malelaha, nauli wori Pue Ala i AnaNa: “Oiomi Tadulako Mpenomba i hae-haena au mopaliliu bagona Melkisedek.”

Pampetudungia 1:18

Ikomi au tuwo. MateNa hangkoia, agaiana tuwo huleNa, hai ina tuwoNa i hae-haena. Iko au mokingki pegili baba ngkapate hai baba paidaa tomate.

Ibarani 7:23

Ara mbuli hampaka: ane pemuleana Lewi au mewali tadulako mpenomba, bosahe, lawi tauna biasa peahe au hangangaa mate. Mewali ane hadua mate, napahuru tohaduana.

Yohane 14:19

Hampalai pearai, barapoNa ina raita tauna i dunia. Agaiana ikamu, ina niitaNa hai ina tuwokau, lawi Iko, tuwoNa.

Ibarani 3:16

Hemahe au mohadi wotuna Pue Ala, hai kahopoana meewahe? Bara pae to Isaraeli au naantihe nabi Musa mesuwu hangko i tampo Masiri?

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

Ibarani 9:27

Himbela hai manusia au rapatoka hambela pea mate, hai roo indo hangangaa rabotusi kara-karanda.

Ibarani 7:7

Hai taisa ntepuu: tauna au rawati tepaiwoi tuwona hangko i topewati. Mewali, Melkisedek meliu kamahilena tuwona hangko i Burahima.

Ibarani 7:9

I tempona Burahima mohuhu hangkira hampulo i Melkisedek, himbelami hai pemuleana Lewi au mewalihe tadulako mpenomba au mohuhu hangkira hampulo i Melkisedek, mole ihirari au hintoto modoko hangkira hampulo hangko i hahalalunda.