Ibarani 6:5 - Sura Malelaha

⁵ moisa mpuuhe kamaroana Ngkorana Pue Ala hai kuasana Pue Ala au ina tongawa i alo-alo au ina mai.

Ibarani 6:5 교차 참조

Lukasi 8:13

Tinuda au manawo i tampo au mowatu-watu, lempona mohadihe Ngkorana Pue Ala, tou-tou matana lalunda. Mepoinalaimohe, agaiana pepoinalainda iti bara maroho, nodo tuda-tuda au bara mouaka. Ido hai ane molambihe kapari anti pepoinalainda i Ngkorana Pue Ala, mousulihe hai barapohe mepoinalai.

1 Peturu 2:3

Inee nikabaha peulami i Ngkorana Pue Ala, lawi nipeminami noumba kamaroaNa irikamu.

2 Peturu 2:20

Meahi-ahi mpuuhe tauna iti. Nguru-nguruna moisamohe Amputa Yesu Kerisitu, ido hai tekabahahe hangko i babehia au kadake i dunia ide, agaiana roo indo mesule hulehe i babehianda au kadake duuna moulahe babehia iti. Kahopoana rumihi mpuu kamaruginda hangko i nguru-nguruna.

Ibarani 2:5

Bara malaeka au ina molambi kuasa hangko i Pue Ala bona moparenta dunia wou au ina mai au tapololita ide-ide.

Markus 6:20

lawi Herode motuduhe surodadona mokampai Yohane i lalu tarunggu. Herode bara bai mopapate Yohane lawi naisa kaiana tauna au manoto laluna hai malelaha tuwona. Ane mohadi lolitana Yohane, wuli mpuu laluna, agaiana matana wori laluna mohadi.

Epesu 6:17

Hangangaa niharunga katehoremami au hangko i Pue Ala. Katehorema iti mewali nodo songko besi au mopakarohokau bona mantahakau. Hai hangangaa nipopobundu Ngkorana Pue Ala nodo piho au naweike Inao Malelaha.

Ibarani 4:12

Lawi Ngkorana Pue Ala iami lolita au tuwo hai au makuasa. Meliu kamataruna hangko i piho au momata mpotimali. Piho peisa mebelai hawe i leho-leho buu hai ati buu. Nodo wori NgkoraNa Pue Ala metohu hawe i lalunta. Ngkora iti napake Pue Ala moparesa pekirinta hai tunggaiana lalunta.

Ibarani 11:3

Anti pepoinalainta, taisa langi hai tampo Napopewali Pue Ala hai lolitaNa pea. Mewali, ope-ope au taita, mewali hangko i apa au bara peisa taita.

1 Peturu 1:25

agaiana Ngkorana Pue Ala mantaha hawe i hae-haena.” Ngkorana Pue Ala iti, iami Ngkora Marasa au rapahaweamokau.