Ibarani 2:9 - Sura Malelaha

⁹ Agaiana ide-ide tongawami kamakuasana Yesu. I katuwoNa au hampalai i dunia ide, kamahilena tuwoNa tepaiwoi hangko i malaeka. Lawi anti kabulana laluna Pue Ala irikita, Napakanoto bona Yesu rapapate mopahuru ope-ope tauna. Hai anti pohuhuNa wataNa rapapate, ide-ide Ia rapomahile hai raweimi pohudaa au meawa hai tebila.

Ibarani 2:9 교차 참조

Pampetudungia 5:9

Monani-nanimohe hambua nani au wou, rauli: “Oiomi au hintoto modoko sura iti hai mobungkahi penena lawi rapapatemoKo; Hai waheMu au mabubu i kapateMu, Nupopoholomohe tauna i humalele dunia, i ope-ope kadatua, i ope-ope pemulea hai i hinangka basa. Hai Nuhuhuhe i Pue Ala.

1 Yohane 2:2

Hai Iami au mate mewali pahuruna watanta bona Pue Ala moampungi dosanta. Hai bara pea dosanta au Nahuru, agaiana dosanda wori tauna i humalele dunia.

Roma 5:18

Mewali, anti kamanawona Adama, ope-ope tauna masalami hai hintoto rahuku. Nodo wori, anti hambua babehia au manoto iami kapatena Yesu i kau mombehape, ope-ope tauna peisa manoto i peitana Pue Ala hai molambi katuwo maroa au bara mokahopoa.

Suro 2:33

Pue Ala mampopohudami Yesu i pohudaa au tebila hai teadai ntanda i koanaNa. Hai hangko indo, Pue Ala Umanta mowei i Yesu Inao Malelaha nodo au Nadandi. Mewali au niita hai au nihadimi inona, mewali anti kuasana Inao Malelaha au naweingkai Yesu.

Yohane 3:16

Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa.

2 Korintu 5:15

Lawi tunggaiana Kerisitu mate mohuru dosa ope-ope tauna bona ikita au tuwo manike i dunia ide barapoke moula peundeata haduduanta, agaiana moulamoke peundeana Kerisitu, au matemi mohuru dosanta hai au rapatuwo hulemi.

Ibarani 10:5

Ido hai pane i kahawena Kerisitu i dunia ide, Ia mouliangaa Pue Ala node: “Bara Nuperapi popenomba, hai bara Nuunde popenomba au rahuwe ba binata au rasambale bona mohuru dosa tauna, agaiana wataNgkumi au Nupasilolonga bona mewali popenomba Irio au Nupokatana.

Roma 5:8

Agaiana ahina Pue Ala bara nodo. Pue Ala bara mampegia pengkaroonta mobabehi dosa hangko Natudungiarike ahiNa. Lawi Kerisitu mate mopahuruke tangantato madosa.

Yohane 1:29

Kahalona, Yohane moitami Yesu mai iria. Nauli i tauna bosa, “Nipeita! Oloumi mai Ana Dimba au napasilolonga Pue Ala. Iami au ina mopahuru watanta, mohuru dosanta.

Yohane 12:32

Agaiana Iko, ane rapamapangkaNa i kau mombehape, ina modiiNa ope-ope tauna mai Iriko.”

Ibarani 7:25

Ido hai Nabuku mokabahake hangko i huku dosanta hai moweike katuwo maroa au bara ara kamakurana, asala mohungkukike Pue Ala i lalu hangana Yesu. Lawi Ia au tuwo i hae-haena hai mamperurui liliuke i lindona Pue Ala.

1 Peturu 1:21

Anti kahaweNa, ido hai mepoinalaikau i Pue Ala au mopatuwo hule Yesu hangko i kapate hai mowei katuwo mahile Iria, alana mepoinalaikau hai meharungakau i Pue Ala.

Ibarani 8:3

Ope-ope Tadulako Mpenomba Mahile raangka bona mohuhu binata hai popenomba ntanina i Pue Ala. Nodo wori, Yesu Tadulako Mpenomba Mahilenta hangangaa mohuhu popenombaNa i Pue Ala, iami wataNa haduduaNa.

1 Timotiu 2:6

Ia mohuhu wataNa rapapate mohuru dosa ope-ope tauna. Iti Nababehi i tempo au napakanoto Pue Ala bona tongawa irikita peundeaNa mohorema ope-ope tauna hangko i huku dosa.

2 Korintu 5:21

Kerisitu, bara madosa, agaiana napahimbela Pue Ala tauna madosa hai Napahaleangi dosanta. Tunggaiana Pue Ala bona ikita au mohintuwu hai Kerisitu raimbamoke manoto i peitaNa.

Roma 8:32

Ia bara mampokabohi AnaNa au haduduaNa, bona mate mopahuruke, noumba kadanta ina Nawei paka-pakana?

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.

Suro 3:13

Pue Ala au rapenombai toiorunta hangkoia, au rapenombai Burahima, Isaki hai Yako, Pue Ala itimi au mopakahile TuduaNa, iami Yesu. Halalu-halalu, Yesu iti au nihuhu i topoparenta, hai au nisapuakami i lindona Pilatu i tempona ina nakabaha.

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

Yohane 10:17

UmaNgku mampokakaiaNa, lawi Kuhuhu tuwoNgku bona tuwo huleNa.

Yohane 8:52

Rauli to Yahudi, “Ide-ide kiisa napesuangi mpuukowei! Burahima, matemi. Nodo wori ope-ope nabi hangkoia, matemohe. Agaiana Nuuliri hema au mampeulai lolitaMu barahe ina mate i hae-haena.

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

Pampetudungia 19:12

MataNa mewangka nodo api au lolaa, hai i waaNa ngkaia songko datu. I wataNa teuki hangaNa, agaiana batena pea Ia au moisa lempona hanga iti.

Ibarani 2:7

I tempo au hampalai pea, ia Nupaiwoi hangko i malaeka. Nusongkoi hai peawa hai pebila.

Lukasi 9:27

Nipehadingi maroa apa au Kuuliangaakau ide: ara i olomi au bara mani mate hangko damani moita poparentana Pue Ala.”

Markus 9:1

Nauli mbuli Yesu, “Nipehadingi maroa apa au Kuuliangaakau ide: arakau inde au bara ina mate hangko damani moita Pue Ala moparenta hai kuasaNa.”

Matiu 6:28

Moapari hai karao inaomi mampekiri pehampimi? Peita bunga i pada. Barahe mobago, barahe mandau.

Yohane 8:51

Tou mpuu lolitaNgku ide: hema au mampeulai lolitaNgku, barahe ina mate i hae-haena.”

Ibarani 1:9

MoundeKo kanoto hai mokahihiKo dake. Idomi hai natawiKo Pue Ala au Nupenombai, hai lana tanda kaNapileiMu, au melumbu hangko i himadaMuhe.”

Ibarani 11:5

Anti pepoinalaina, Heno bara mate. Ia raore tuwo-tuwo hangko i dunia ide. Watana bara ralambi, lawi naangka Pue Ala tuwo-tuwo hangko i dunia ide. I lalu Sura Malelaha teuki: hangko damani Heno raangka, ia napokatana Pue Ala.

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.