Ibarani 13:7 - Sura Malelaha

⁷ Hangangaa nikatuinao liliuhe tadulakomi au mopahaweamokau Ngkorana Pue Ala. Nipeita noumba tuwonda hawe i kapatenda, hai nipeulai pepoinalainda.

Ibarani 13:7 교차 참조

Ibarani 13:17

Nipeulaimi hawanda tadulakomi hai mengkorukau irihira. Lawi ihira au mokadipura katuwomi, hai au hangangaa mohanaihe Pue Ala kana i pobagonda. Nipeulai hawanda bona matanahe mobago. Ane bara nipeulai hawanda, ina masusa lalunda, hai ane nodo barapi ina ara pobunduana irikamu.

Pilipi 3:17

Halalungku ope-ope, kuperapi bona nipeulai babehiangku. Tangangki hihimbela hai ikamu, kipopaitaamokau babehia au maroa. Hangangaa mampopandirikau tuwonda tauna au moula babehiangki.

Ibarani 6:12

Ineekau ara au lohe mampeulai peundeana Pue Ala. Niala pandiri i tauna au mepoinalai i Pue Ala hai au sabarahe mampegia apa au Nadandiahe.

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

Suro 14:23

I polumaonda iti, Paulu hai Baranaba mopilei hai moangkahe penatua i boea-boeana. Mopuasa hai mekakaehe, merapihe bona nakadipurahe Pue lawi Ia pea peharunganda.

Matiu 24:45

“Nipailalu ngkora pandiri ide: ara hadua hawi au manoto laluna hai au peisa napoinalai ampuna. Ia naangka ampuna motosaengi hawi ntanina hai mourusi paandenda alo-alona.

1 Timotiu 3:5

Lawi ane ara hadua tauna au bara naisa mokadipura tauna i lalu souna, noumbami kanabukuna mokadipura halaluna hampepepoinalai.

Ibarani 13:24

Nipahaweangkai tabeangki i ope-ope tadulakomi hai i ope-ope halalu hampepepoinalaimi inditi. Halalumi hampepepoinalai to Italia mopakatu worihe tabeanda irikamu.

1 Tesalonika 2:13

Ara mani hampaka au morua lalungki manguli ngkaia kamaroana i Pue Ala, iami Ngkorana Pue au nihadi hangko irikami, bara nidoko nodo lolita au hangko i manusia pea. Agaiana nidoko hai nipoinalai bambari iti, ami hangko i Pue Ala. Hai ide-ide, Ngkorana Pue Ala iti mokale liliu i lalumi, lawi mepoinalaimokau i Pue Yesu.

1 Korintu 4:16

Ido hai kuperapi ntepuu halalu, bona nipeulai babehiangku.

Roma 10:17

Mewali, hangangaa mohadihe hampai bambari maroa, hangko peisarihe mepoinalai. Hai bambari maroa iti iami bambari kana i Kerisitu.

Suro 4:31

Karoonda mekakae, modua-duami sou au rapaidai, hai nakuasaimohe Inao Malelaha. Ido hai bai mpuumohe mopahawe Ngkorana Pue Ala i tauna bosa.

Pampetudungia 6:9

Roo indo, kuita wori Ana Dimba iti mobungkahi pene au kalima. Kuita i woi meja pohuwea popenomba, ara tanoananda tauna au rapapate anti popahawenda Ngkorana Pue Ala hai mopangaku liliuhe kaYesuna Ampunda.

Pampetudungia 20:4

Roo indo, kuita bahangkia kadera kadatua au rapohudai tauna au raweihe kuasa mobotusi kara-kara. Kuita wori tanoananda tauna au rabohoki tambolonda anti popangakunda kaYesuna Ampunda hai popahawenda Ngkorana Pue Ala. Tauna iti, barahe hambela menomba i binata au kadake ba i lengge binata iti, hai bara worihe modoko tanda binata i wingkenda ba i taienda. Ido hai tuwo hulehe hai moparentahe hihimbela hai Kerisitu i lalu hasabu parena.

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.

2 Tesalonika 3:9

Katouana, barangkai masala ane merapingkai irikamu. Agaiana kiunde mewali pandiri au maroa irikamu bona nipeulai.

1 Korintu 11:1

Nipeulaimi poantiku, nodo iko mampeulai poantina Kerisitu.

Lukasi 12:42

Nahanai Pue Yesu, “Nipailalu ngkora pandiri ide: Ara hadua hawi au manoto laluna hai au peisa napoinalai ampuna. Ia naangka ampuna motosaengi hawi ntanina hai mourusi paandenda alo-alona.

Lukasi 8:11

Idemi lempona ngkora pandiriKu inona: tinuda au rahawu iti, lempona Ngkorana Pue Ala.

2 Tesalonika 3:7

Niisa mpuu babehiangki halalu, barangkai lohe mobago i tempoki hihimbela hai ikamu hangkoia. Babehia iti hangangaa nipopandiri.

1 Korintu 10:13

Hinangka pekelo au morumpake, pekelo biasa pea au ralambi wori tauna ntanina. Agaiana Pue Ala mokatuinao liliu dandiNa irikita; barake ina Napogiangaa rakelo meliu hangko i rohona lalunta. Ane narumpake pekelo, Pue Ala ina moweike rara monangi pekelo iti bona peisake mantaha i lalu pepoinalainta.

Suro 13:46

Agaiana Paulu hai Baranaba pebaihe mouliangaa to Yahudi iti, “Katouana, Ngkorana Pue Ala nguru-nguruna hangangaa rapahawe hampai irikamu to Yahudi, agaiana bara nidoko. Ikamu haduduami au mopakanoto kadami hintoto molambi katuwo maroa au bara mokahopoa. Ido hai ina kipalehimokau lao i tauna au barahe to Yahudi!

Lukasi 5:1

Hambela tempo, tangana Yesu meangka i wiwi Rano Genesaret, bosahe tauna mombeupi-upi mampeinao mohadi Ngkorana Pue Ala.

1 Peturu 4:11

Hema au motuntu, hangangaa mopahawe apa au nadokomi hangko i Pue Ala. Hema au motulungi rangana, hangangaa metulungi hangko i karoho au nalambi hangko i Pue Ala. Hangangaa nibabehi nodo bona i hinangkana au mewali, Pue Ala rapomahile i lalu hangana Yesu Kerisitu, lawi Pue Ala au makuasa hai hintoto rapomahile hawe i hae-haena! Amin.