Ibarani 13:18 - Sura Malelaha

¹⁸ Kiperapi bona nipekakaea liliungkai. Kiisa kabulana lalungki, lawi i paka-pakana kipeinao mobabehi liliu au manoto.

Ibarani 13:18 교차 참조

1 Tesalonika 5:25

Halalu, kiperapi bona nipekakaea woringkai.

2 Tesalonika 3:1

Mewali, halalu, kiperapi bona nipekakaea woringkai. Mekakaekau i Pue Ala bona kabosa-bosaa tauna au mohadi hai modoko Ngkorana Pue, nodo au mewali irikamu hangkoia.

1 Timotiu 1:5

Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

Kolose 4:3

Hai nipekakaea woringkai bona nabungkahiangkai Pue Ala rara mopahawe NgkoraNa au mampololita tunggaiaNa au napabukei Kerisitu. Hangkoia tunggaiaNa iti tewuniangi mani, agaiana ide-ide bambari kana i Kerisitu kupahawemi. Ido hai ratarungguna.

Roma 15:30

Halalu! Mohintuwumoke hai Amputa Yesu Kerisitu, hai mombepokaahimoke anti pokalena Inao Malelaha i lalunta. Ido hai kuperapi bona mekakaekau i Pue Ala, nipekakaea wongkoia i lalu pobagongku.

1 Peturu 3:21

KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.

1 Peturu 3:16

Hai hangangaa bula lalumi bona ane arahe tauna au mosasalai babehiami au maroa i peitana Kerisitu, ina maeahe.

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.

1 Tesalonika 4:12

Ane nodo nibabehi, barapokau ina merapi-rapi i rangami. Hai ina raadaikau tauna au barahe mepoinalai i Pue Yesu.

Suro 24:16

Ido hai mobabehi liliuna apa au maroa bona kuisa i lalungku kadana ara apa-apa au peisa raraiana, maroa i peitana Pue Ala, maroa i peitana manusia.

Suro 23:1

Kahawena Paulu i poteruhuanda, ia mototokihe ope-ope tadulako iti, nauliangaahe, “Halalungku! Duuna ide-ide, mengkoruna i Pue Ala moula kabulana lalungku.”

Pilipi 4:8

Kahopoana halalu, kuperapi bona nipailalu liliu hinangkana au maroa hai au hintoto ratoia. Apa au tou, apa au hintoto rabila, apa au manoto, apa au malelaha, apa au merae, hai apa au teadai, itimi au hangangaa nipailalu.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

Roma 13:13

Nibabehi babehia au hintoto i kabaakana. Ineekau mosusa-susa hai malangu-langu. I babehia tobalilo hai towawine, ineekau mobabehi babehia au sala ba au moula peundeana lalunta au kadake. Ineekau mobungka-bungka ba mahina.

Roma 12:17

Ane arahe au mobabehi dake irikamu, ineehe nihurungi. Nibabehi apa au maroa i lindonda tauna.