Ibarani 13:13 - Sura Malelaha

¹³ Mewali halalu, nodo Yesu au raanti lao i raoa wanua bona rakakabosai tauna, ikita wori hangangaa mokabahake hinangka au hangko i dunia ide, hai meula peake i Yesu, kehapirike rakakabosai.

Ibarani 13:13 교차 참조

Ibarani 11:26

Naunde Musa rakakabosai anti pepoinalaina i Datu Topehompo au ina mai pane molambi peawana datu i tampo Masiri. Lawi ia meharunga liliu i Pue Ala bona mohumba hurungina au mahile i bokona.

Suro 5:41

Padumohe suro iti mopalehi poteruhuanda. Matana mpuu lalunda, lawi Naweihe Pue Ala katepaka rapopeahi-ahi hai rakakabosai anti peulanda i Yesu.

Lukasi 6:22

Morasikau au rakahihi, au barakau rapohintuwua, rakakabosai hai rasalai tauna anti peulami Iriko Ana Manusia.

Matiu 16:24

Roo indo, Yesu mouliangaahe topeguruNa, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.

2 Korintu 12:10

Mewali, kupokatana mpuu ane maledena, hai matanana ane rakakabosaina ba rapopeahi-ahina, ba molambina kasusa hai kapari anti peulangku i Kerisitu. Lawi ane maledena, ina marohona anti kanatulungingku Pue.

Matiu 5:11

Morasikau ane rakakabosaikau, rapopeahi-ahikau hai rasalaikau hai mampopengaa lolita au kadake anti peulami Iriko.

Ibarani 12:3

Nipeita halalu noumba kamaparina Yesu molindo tauna kadake au mosapuaka wataNa, hai kahopoana Ia rapapate. Mewali halalu, hangangaa nipekiri liliu noumba kamantahana Yesu i lalu kapari bona datikau malede hai masusa lalumi.

1 Peturu 4:4

Agaiana ide-ide, rapowulimi rangami au hangkoia lawi barapohe niporanga mobabehi hinangka babehia au kadake. Ido hai rakakabosaimokau.

Matiu 27:32

I tanga rara, mampohidupaahe hadua tauna au rahanga Simo hangko i boea Kirene. Surodado to Roma mopari-pari Simo motalondo kau popakuana Yesu.

Lukasi 9:23

Hangko inditi, Yesu mouliangaahe ope-ope tauna, “Hema au mampeinao meula Iriko, hangangaa mokabaha peundeana haduduana hai alo-alona mohalea kau popakuana. Ane nodo, hangko peisari meula Iriko.

Ibarani 12:2

Hangangaa mokamatake Yesu au mobungkahimi rara pepoinalainta hai au mopahandai pepoinalainta. Lawi Ia mantaha liliu i lalu kapari duuna mate i kau mombehape. KapateNa iti mepakaea ntepuu. Agaiana nauri nodo, bara Napailalu, Nahuhu pea wataNa rapaku i kau mombehape, lawi Napeinao molambi katana i bokona. Ide-ide mohudami ntanda i koanana kadera kadatuana Pue Ala i suruga.

Ibarani 12:4

Lawi ikamu raewa worikau tauna au kadake, agaiana i lalu pombealami moewa dosa, bara manikau rapapate nodo Yesu.