Ibarani 13:1 - Sura Malelaha

¹ Mombepokaahi liliukau hadua hai hadua nodo topohalalu.

Ibarani 13:1 교차 참조

1 Yohane 4:20

Hema au manguli, “Mampokaahina Pue Ala,” agaiana bara mampokaahi halaluna, modongkomi. Lawi ane halaluna bara napokaahi, apa mani Pue Ala au bara naita.

1 Peturu 3:8

Kahopoana, ikamu hangangaa mohintuwukau, hampepekirikau, hai mombepokaahikau nodo topohalalu. Hangangaa maahikau hai mengkaiwoikau.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

2 Peturu 1:7

hai mampokaahikau halalumi hampepepoinalai. Hai mampokaahi worikau ope-ope tauna.

1 Peturu 2:17

Niadaihe ope-ope tauna. Nipokaahi halalumi hampepepoinalai, mengkorukau i Pue Ala, hai nibila datumi.

Ibarani 10:24

Hangangaa mombekakamatake hai mombehuweki mpolaluke bona mombepokaahike hangko i lalunta mpuu hai mobabehi liliuke apa au maroa.

2 Tesalonika 1:3

Halalu-halalu, barangkai oha-oha manguli ngkaia kamaroana i Pue Ala anti kaikamuna. Hai hintoto mpuu kibabehi nodo, lawi kamaroho-rohoami pepoinalaimi i Pue Yesu, hai katetetambaiami ahimi i hangka rangami.

1 Peturu 4:8

Au melumbu hangko i hinangkana, iami pombepokaahimi hadua hai hadua. Hangangaa mombepokaahikau hangko i lalumi mpuu, lawi ane nibabehi nodo, ina nibuku wori moampungi salanda rangami.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Galatia 5:13

Halalu, Nakakiomoke Pue Ala bona tekabahake hangko i Aturana Musa. Agaiana inee tapehangu katekabahanta hangko i atura iti peisamoke tuwo moula peundeana lalunta. Aginari mombepokaahike hai mombetulungike hadua hai hadua.

Pampetudungia 2:4

Agaiana ara au Kusalaiakau: barapoNa nipokaahi nodo kanipokaahiNgku hangkoia.

1 Yohane 3:23

Idemi hawaNa irikita: hangangaa mepoinalaike i Yesu Kerisitu AnaNa, hai hangangaa mombepokaahike hadua hai hadua nodo au naparentaiamoke Pue Yesu.

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

Yohane 15:17

Idemi hawaNgku irikamu: hangangaa mombepokaahikau!”

Epesu 5:2

I babehianta alo-alona, hangangaa maahike i ranganta, nodo Kerisitu maahimi Irikita. Anti kamaahiNa irikita, Ia mokira wataNa rapapate mopahuruke. Babehia iti mopakatana laluna Pue Ala, nodo popenomba mawongi au rahuhu Iria.

Epesu 4:3

Nipari-pari mohintuwu, inee ara posisisala bona kahintuwumi i lalu Inao Malelaha tekadipura liliu.

Suro 4:32

Ope-ope tauna au mepoinalai i Yesu, mohintuwu hai hampepekirihe. Bara ara hadua au manguli, “Ide, iko ampuna,” agaiana ope-ope au ara irihira rapoanu sambela.

Suro 2:1

Kahawena alo mahilenda to Yahudi au rahanga Alo Pentakosta, ope-ope tauna au mepoinalai i Yesu moguluhe i hambua paidaa.