Ibarani 12:15 - Sura Malelaha

¹⁵ Mainga-ingakau dati ara rangami au mousuli hangko i Pue Ala hai mosapuaka ahiNa. Maroa-roakau datihe ara tauna au hawe mewali rasu i olomi, hai kahopoana mopakarugi pohintuwumi alana bosa tauna teanti i lalu dosa.

Ibarani 12:15 교차 참조

Lukasi 22:32

Agaiana Kupekakaengaako Simo bona dati maguli pepoinalaimu. Mewali, ane menosoko hai mesuleko Iriko, hangangaa nupakaroho lalunda halalumu.”

1 Korintu 10:12

Mewali, ane arakau au manguli: “Marohomi pepoinalaingku i Pue,” hangangaa maroa-roakau bona datikau manawo i lalu dosa!

1 Korintu 13:8

Ahi bara ara kahopoana. Agaiana ane arake au mapande mopahawe lolita hangko i Pue Ala, hambela tempo kapande iti barapi ina ara. Ane arake au mapande mololita i lalu basa Inao Malelaha, hambela tempo kapande iti ina ope. Ane molambike kapande hangko i Pue Ala bona moisake apa au bara raisa ranganta, hambela tempo, kapande iti barapi raparaluu.

1 Korintu 15:33

Ineekau rapakanawo! Ane mampohimadakau tauna au kadake babehianda, babehiami au maroa ina tebaliki mewali kadake, nodo babehianda.

1 Korintu 5:6

I olomi arahe au kadake babehianda, agaiana mampemahile liliukau! Bara pae niisa lolita au manguli, “Ragi au haodi mampopembongke tapu”? Lempona, hadua tauna au madosa peisa mopakanawo bosa tauna i olomi.

2 Korintu 13:5

Halalu, nipetandaka hampai watami, ba tou-tou mpuu tuwomokau i lalu pepoinalaimi i Kerisitu. Batena niisa kaarana Yesu i lalumi ba tauli ane pepoinalaimi mbero-mbero.

2 Korintu 6:1

Mewali, ikami ide, hampopobagongkai mopahawe NgkoraNa Pue Ala i tauna. Ido hai kiperapi mpuu halalu bona inee nikakahakei kamaroana laluna Pue Ala au nidokomi.

Galatia 2:13

Hai arahe halaluna hampepepoinalai to Yahudi au moulahe babehiana Peturu au sala iti alana Baranaba meula wori irihira, barapi mau maande hihimbela hai tauna au barahe to Yahudi.

Galatia 5:4

Mewali hema pea au mampeulai Aturana Musa bona raimba manoto, lempona mobotuki pohintuwumi hai Kerisitu. Hai barapokau tuwo i lalu kabulana laluNa Pue Ala.

Epesu 5:3

Mewali inee mpuukau ara au mobabehi babehia kedai, babehia merikai hai mehioro—nihowara pea inee—dati ara pepangkaanda tauna mosalaikau. Babehia au nodo bara hintoto irikamu lawi taunanamokau Pue Ala.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

Titu 1:15

Tauna au malelaha, bara ara palianda. Agaiana i tauna au kadake hai au barahe mepoinalai, bara ara hampaka au malelaha, lawi maroa pekirinda ba lalunda kadake hahami.

Ibarani 3:12

Halalu! Maroa-roakau, datikau ara au kadake lalumi. Ineekau nodo toiorumi iti au mopalehi pepoinalainda i Pue Ala au tuwo!

Ibarani 4:1

Mewali, dandina Pue Ala irikita iti bona peisake molambi pengkarooangaa hihimbela hai Ia, ara mani. Ido hai hangangaa mainga-inga mpuuke bona dati ara hadua hangko i olonta au bara molambi apa au Nadandi iti.

Ibarani 4:11

Mewali halalu, hangangaa tapari-pari molambi pengkarooangaa hihimbela hai Pue Ala bona datike ara au mousuli hangko i pepoinalainta, nodo to Yahudi hangkoia au bara moula hawaNa.

Ibarani 6:11

Agaiana kiperapi mpuu halalu, bona nipari-pari mopaliliu babehia iti duuna i kahopoana, bona mohumba mpuukau apa au niharunga hangko i Pue Ala.

2 Peturu 1:10

Mewali halalu, lawi Napileimokau Pue Ala hai Nakakiomokau mewali taunaNa, hangangaa nipari-pari moula Pue Ala bona tongawa kaNapileimi hai kaNakakiomimi. Lawi ane nitambai pepoinalaimi hai babehia au kuuli inona, barakau ina manawo.

2 Peturu 2:18

Polololitanda mampemahile, hai bara mobundu. Modiihe lalunda tauna hai peundeanda au merikai alana tauna iti rapakanawohe, moleri tauna iti bara manihe mahae mopalehi babehianda au kadake.

2 Peturu 3:11

Mewali, halalu, ane nodo kamagerona hinangkana au ara, noumbamoke ikita ide? Hangangaa tapamalelaha babehianta hai mengkoruke i Pue Ala.

2 Peturu 3:14

Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.

2 Yohane 1:8

Ido hai hangangaa mainga-ingakau, lawi ane nikabaha pepoinalaimi i Pue Yesu, bara ara bunduna pobagongki mobambari Ngkora Marasa irikamu. Hangangaa mepoinalai liliukau i Pue bona i alo pebotusi ina nihumba hinangka hurungina pepoinalaimi.