Ibarani 11:6 - Sura Malelaha

⁶ Mewali taisa mpuu: bara ara tauna au napokatana Pue Ala ane bara mepoinalai Iria. Lawi tauna au mohungkuki Pue Ala hangangaa raisa i lalunda: Pue Ala tou-tou mpuu ara, hai batena ina mowei hurungina au maroa i ope-ope tauna au tou-tou mohaoki Pue.

Ibarani 11:6 교차 참조

Matiu 6:33

Mewali, hangangaa nipaioru poparentana Pue Ala i lalu katuwomi hai hangangaa nibabehi liliu babehia au manoto i peitaNa. Ane nibabehi nodo, hinangkana au niparaluu batena Naweikau.

Lukasi 12:31

Mewali, hangangaa nipaioru poparentana Pue Ala i lalu katuwomi, hai hinangkana au niparaluu batena Naweikau.”

Ibarani 7:25

Ido hai Nabuku mokabahake hangko i huku dosanta hai moweike katuwo maroa au bara ara kamakurana, asala mohungkukike Pue Ala i lalu hangana Yesu. Lawi Ia au tuwo i hae-haena hai mamperurui liliuke i lindona Pue Ala.

Roma 10:14

Agaiana noumba kapeisanda meraroa Iria ane bara manihe mepoinalai Iria? Noumbami kamepoinalainda ane bara manihe mohadi bambri kana Iria? Noumba karahadina ane bara mani ara au mopahaweahe.

Ibarani 3:12

Halalu! Maroa-roakau, datikau ara au kadake lalumi. Ineekau nodo toiorumi iti au mopalehi pepoinalainda i Pue Ala au tuwo!

Yohane 14:6

Nauli Yesu, “Ikomi rara, Ikomi au mopahawe paturo au tou, hai Ikomi au moweikau katuwo au bara mokahopoa. Bara ara hadua au peisa hawe i UmaNgku, ane bara mepoinalai Iriko.

2 Peturu 1:5

Anti kamaroana Pue Ala irikamu halalu, ido hai hangangaa nipari-pari motambai pepoinalaimi hai babehiami au maroa. Hai babehiami au maroa iti, nitambai wori hai kanoto lalu.

Ibarani 4:6

Ihira au nguru-nguruna mohadi Ngkora, barahe molambi pengkarooangaa hihimbela hai Pue Ala, lawi barahe moula hawaNa. Agaiana tunggaiana Pue Ala, hangangaa ara tauna au molambi pengkarooangaa iti.

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

2 Peturu 3:14

Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.

Yohane 8:24

Ido hai Kuuliangaakau inona, ina matekau i lalu kamadosami. Ane bara nipoinalai lolitaNgku au manguli Ikomi au rauli ‘IKO ARA’, batena mpuukau mate i lalu kamadosami.”

2 Peturu 1:10

Mewali halalu, lawi Napileimokau Pue Ala hai Nakakiomokau mewali taunaNa, hangangaa nipari-pari moula Pue Ala bona tongawa kaNapileimi hai kaNakakiomimi. Lawi ane nitambai pepoinalaimi hai babehia au kuuli inona, barakau ina manawo.

Ibarani 7:19

Lawi Atura iti bara moanti tauna mewali manoto i peitana Pue Ala. Ido hai atura iti rapahuru hai rara au meliu kamaroana. Ane tapeulai rara iti, tongawa irikita ina mohintuwuke hai Pue Ala.

Ibarani 4:2

Lawi ikita ide, rapahawea worimoke Ngkora Marasa, nodo to Yahudi hangkoia. Agaiana Ngkora Marasa iti bara moanti pewati irihira, lawi rahadi mbero pea, bara rapoinalai.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Ibarani 11:26

Naunde Musa rakakabosai anti pepoinalaina i Datu Topehompo au ina mai pane molambi peawana datu i tampo Masiri. Lawi ia meharunga liliu i Pue Ala bona mohumba hurungina au mahile i bokona.

Markus 16:17

I tauna au mepoinalai, ina Kuweihe kuasa mobabehi tanda kuasa au node: i lalu hangaNgku, ihira ina mampopelohohe seta. Ina mololitahe i lalu basa au bara raisa.

Lukasi 6:35

Inee nodo babehiami! Hangangaa nipokaahi iwalimi, hai hangangaa nibabehi au maroa irihira. Ane ara tauna au mampeinao mebolo irikamu, niwei woia hai inee niharunga pesulena. Ane nibabehi nodo, ngkaia pewati ina naweikau Pue Ala, hai ina raimbakau anaNa, lawi nodomi kamaroana laluna Pue Ala i tauna au kadake hai i tauna au bara raisa manguli ngkaia kamaroana Iria.

Matiu 6:16

“Ane mopuasakau, inee marinti lindomi nodohe tauna au maroa i raoa peahe. Ane mopuasahe, marinti lindonda hai raoaka barahe mewawalindo ba mekarabi bona raita tauna kamopuasanda. Nikatuinao, anti karalambinami petoia hangko i ranganda, barapohe molambi apa-apa hangko i Pue Ala.

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Matiu 5:12

Nabi-nabi au hangkoia, rapopeahi-ahi worihe. Mewali, nipamatana lalumi, lawi mahile hurungina au ina nihumba i lalu suruga.”

Matiu 11:26

lawi nodomi peundeaMu, Uma.”