Ibarani 11:28 - Sura Malelaha

²⁸ Anti pepoinalaina, nababehimi ada Alo Posusa Pasa, hai motuduhe to Isaraeli mopariha wahe i sobo babanda bona ane moliu malaeka au mepapate, ananda au towutu bara ina rapapate nodohe ananda to Masiri au towutu.

Ibarani 11:28 교차 참조

1 Korintu 10:10

Hai ineeke mohume-hume, nodo au rababehi tauna i olonda hangkoia, alana napapatehe malaeka au mepapate.

Ibarani 12:24

Hawemokau i Yesu, au mewali nente, au mopakaroho dandina Pue Ala au wou au mopahintuwu manusia hai Pue Ala. I tempona Yesu rapapate, mabubumi waheNa. Hai waheNa iti masuli hangko i wahena Habeli hangkoia.

Ibarani 9:19

Karoona Musa mopahawe hinangka parenta au ara i lalu Aturana Pue Ala i ope-ope to Yahudi, ia moalami wahe ana japi hai wahe towau laki nagalo hai owai. Roo indo, naala worimi hisop hambokea au raboke hai wulu dimba au malei, naeme i lalu wahe, hai nahimpeka i Sura Aturana Pue Ala hai i tauna bosa.

1 Peturu 1:2

Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.