Ibarani 11:25 - Sura Malelaha

²⁵ Bara naunde tuwo matana-tana au hampalai pea i lalu dosa, agaiana nauli laluna agina molambi kapari hihimbela hai taunana Pue Ala au bosa.

Ibarani 11:25 교차 참조

2 Korintu 5:17

Mewali, hema au mohintuwu hai Kerisitu, ia mewalimi manusia au wou. Katuwona au hangkoia liumi; ia molambimi katuwo au wou.

Pampetudungia 18:7

Hangangaa rapopeahi-ahihe hai rapamaparihe, lawi mampemahilehe, rauli: ‘Iko datu towawine. Barana tobemba. Barana ina molambi kapari.’

1 Peturu 2:10

Hangkoia, barakau taunaNa, agaiana ide-ide mewalimokau taunaNa. Hangkoia, barakau Napokaahi, agaiana ide-ide molambimokau pepokaahiNa.

Yakobu 5:5

Mampopeawamokau tuwomi hai matana-tana pearaikau i dunia ide; nodokau binata au mopakarudu watanda sadudua duuna hawe temponda rasambale!

Yakobu 1:20

Lawi tauna au rumpu, barahe peisa mobabehi apa au hintoto moula peundeana Pue Ala.

Ibarani 11:37

Arahe au rawatui duunda mate, arahe au ragaragaji, hai au rapapate hai piho. Arahe au meahi-ahi mpuu katuwonda, mehampi pearai koli dimba hai koli towau. Rapopeahi-ahihe hai rapapahaihe.

Ibarani 10:32

Nikatuinao, halalu, noumba katuwomi hangkoia i pepongkami mepoinalai i Pue Yesu. I tempo iti, narumpakau ngkaia kapari anti peulami i Pue. Agaiana nauri nodo, barakau mousuli; mia-mia maroho liliu pepoinalaimi.

Ibarani 4:9

Mewali, ara mani katepaka i taunana Pue Ala bona molambihe pengkarooangaa hihimbela hai Ia. Pengkarooangaa iti, nodo pengkarooangaana Pue Ala i alo kapitu.

2 Timotiu 1:8

Ido hai kuweiko lolita bona ineeko maea mewali sabina Pue Yesu, hai inee woriko maea manguli kaikona rangamu nauri ratarungguna anti pobambaringku Ngkorana Pue. Mewali oio wori hangangaa masilolonga mohalea kapari anti pobagomu mobambari Ngkora Marasa. Pue Ala moweiko roho mohalea kapari iti.

Kolose 1:24

Ide-ide halalu, matana mpuuna mohalea kapari anti pobagongku motulungikau. Lawi ara mani kapari au hangangaa morumpana anti pobagongku i Kerisitu, hai kapari au kuhumba ide-ide, kuhumba anti pobagongku motulungi ope-ope tauna au mepoinalai i Kerisitu. Ikita ope-ope au mepoinalai i Kerisitu peisake rapandiri nodo wataNa.

Roma 5:3

Hai bara iti pea, matana worike i lalu kapari au morumpake, lawi taisa hangko i kapari iti, meguruke bona mantaha.

Lukasi 16:25

Nahanai Burahima: ‘Anangku, nukatuinao tuwomu i dunia: i tempo iti, molambimoko ope-ope au maroa, agaiana Lasaru molambi pea kapari. Ide-ide, tepalindomi Lasaru inde, agaiana oio hangangaa molambi kapari.

Matiu 13:21

Agaiana bara kaladu pouakana Ngkorana Pue Ala i lalunda, ido hai barahe mantaha. Ane rapopeahi-ahihe ba rapamaparihe anti pepoinalainda i Ngkorana Pue, mousulihe hai barapohe mepoinalai.

Suro 7:34

Kuitami pantodihanda taunaNgku to Yahudi i tampo Masiri. Kuhadimi peraroanda. Ido hai mendauluNa mai mokabahahe. Mewali maiko, ina Kutuduko mesule i tampo Masiri bona nukabahahe.’ ”