Ibarani 11:16 - Sura Malelaha

¹⁶ Agaiana tampo au rahaoki, iami suruga au meliu kamaroana. Ido hai Pue Ala bara maea ane rauli Ia Pue Ala au rapenombai, lawi Napasilolongaamohe paidaanda i suruga.

Ibarani 11:16 교차 참조

Ibarani 13:14

Lawi i lalu dunia ide, bara ara paidaa roonta; Mohaokike paidaa au ina mai.

Ibarani 11:10

Lawi Burahima tangana mampegia hambua wanua au maroho pohudaana, au napopewali hai au naaro mpuu Pue Ala.

Pilipi 3:20

Agaiana halalu, ikita ampu surugake. Hai hangko indora mai, tapegia kahawena Amputa Yesu Kerisitu. Ia au mohoremake hangko i huku dosanta,

Yohane 14:2

I souna UmaNgku, ngkaia paidaa. Ane kebara, barakau ina Kuuliangaa nodo, lawi laoNa mopasilolongaakau paidaami.

Ibarani 2:11

Yesu, au mopamalelaha tauna, hai tauna au Napamalelahami, hadua pea Umanda. Ido hai Yesu bara maea mouli kaNapohalalunda.

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Ibarani 12:22

Halalu, barakau mohungkuki bulu au nodo. Agaiana ide-ide molindomokau Bulu Sion hai wanua Yerusale au i suruga, au napaidai Pue Ala au tuwo. Molindokau isabuna malaeka au moguluhe i lalu katana-tana.

Ibarani 11:14

Tauna au manguli nodo, tongawa hangko i lolitanda apa au rahaoki. Au rahaoki iami tampo au peisa mewali tamponda haduduanda.

2 Timotiu 4:18

Hai ide-ide batengku nakabaha Pue hangko i ope-ope au kadake, hai Naantina mesua i lalu poparentaNa i suruga au bara ara kamakurana. Tapomahilemi hangaNa hawe i hae-haena. Amin!

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

Suro 7:32

‘Ikomi Pue Ala au rapenombai toiorumu. Ikomi Pue Ala au rapenombai Burahima, Isaki hai Yako.’ Kanahadina Musa wotu iti, moradami anti kalangana, hai barapi bai moparesa api au rore iti.

Lukasi 12:32

“Ikamu au meula Iriko, ineekau langa, nauri barakau bosa. Lawi hangko i kabulana laluna Pue Ala Umami, mopileikau molambi katuwo maroa i lalu poparentaNa.

Markus 12:26

Kana i pearonda tomate, bara mani pae hambela nibasa lolita au ara i lalu Sura Malelaha au mopakanoto katuwonda hule tomate? I lalu sura Aturana Musa, tabasa tuntukana au mopahaweake noumba Pue Ala mongkora i nabi Musa hangko i rore api i lalu lopo. I tempo iti, Burahima, Isaki hai Yako mahaemohe mate. Agaiana nauri nodo, Pue Ala mouliangaa Musa node: ‘Ikomi Pue Ala au rapenombai Burahima, Isaki, hai Yako.’

Lukasi 20:37

Ina Kutudungiakau lolita au ara i lalu Sura Malelaha au mopakanoto katuwonda hule tomate. I lalu sura Aturana Musa, tabasa tuntukana noumba Pue Ala mongkora i nabi Musa hangko i lalu lopo au rore. I tempo iti, Burahima, Isaki hai Yako, mahaemohe mate. Agaiana nauri nodo, Pue Ala mouliangaa Musa node: ‘Ikomi Pue Ala au rapenombai liliu Burahima, Isaki hai Yako.’

Ibarani 10:34

Maahi lalumi i tauna au ratarunggu anti peulanda i Pue Yesu. Ane anu-anumi rarampaki, bara nipokaehua. Agaiana batemi matana, lawi niisa kaarana au rapasilolongaakau i suruga au meliu kamaroana hai au bara mokahopoa.

Ibarani 11:40

Bara mani rahumba, lawi Pue Ala mopasilolongaake au meliu kamaroana bona i tempona ikita ara hihimbela hai ihira, ina Nawei worihe katuwo maroa au bara ara kamakurana.

Pampetudungia 21:2

Hai kuita wanua au malelaha, au rahanga Yerusale wou, mendaulu mai hangko i suruga, hangko i Pue Ala. Meawa mpuu wanua iti, nodo hadua toratauna towawine au rahampii makara-kara mampegia toratauna tobalilo.