Ibarani 10:39 - Sura Malelaha

³⁹ Agaiana ikita ide, halalu, barake tauna au mousuli hangko i pepoinalainta, hai au ina rahuku. Ikita ide, tauna au mepoinalai hai au molambi katuwo maroa.

Ibarani 10:39 교차 참조

1 Yohane 5:5

Hema au peisa monangi hinangkana au kadake i dunia ide? Batena pea tauna au mampoinalai Yesu Anana Pue Ala.

1 Peturu 1:5

Hai anti pepoinalaimi, Nakampaikau Pue Ala hai kuasaNa hangko i ope-ope dake bona molambikau katehorema au ina Napatongawa i kahopoa dunia.

Markus 16:16

Hema-hema au mepoinalai Iriko hai rariu, ina tehoremahe hangko i huku dosanda. Agaiana hema au bara mepoinalai batena rahuku.

1 Yohane 5:16

Ane niita hadua halalumi au mobabehi dosa au bara moanti i kapate, hangangaa nipekakaea woia bona Pue Ala batena mowei katuwo maroa au bara mokahopoa. Agaiana ara wori dosa au moanti tauna i kapate, kana i dosa iti barakau kutudu mampekakaengaahe tauna au mobabehi.

2 Peturu 3:7

Langi hai tampo au ara hawe ide-ide nakadipura Pue Ala hai NgkoraNa duuna i alo pebotusi. I tempo iti, langi hai tampo ide ina Nagero Pue Ala hai api, hai ope-ope tauna au bara mengkoru Iria ina Nahuku.

Ibarani 11:1

Au rauli pepoinalai, lempona apa au taharunga i Pue Ala, taisa batena ina mewali. Kehapiri bara mani taita apa au tapegia, manoto i lalunta ina mewali.

1 Tesalonika 5:9

Napileike Pue Ala bona barake rahuku, agaiana Napileike bona molambike katuwo maroa i lalu kaNahoremanta Amputa Yesu Kerisitu.

Yohane 17:12

TempoKu mani hihimbela hai ihira, Iko au mokampaihe hai kuasana hangaMu au NuweimoNa. Kukampaihe datihe ara au matanta. Batena pea hadua au matanta, iami au ina molambi rugi bona tepabukei apa au teuki i lalu Sura Malelaha.

Yohane 6:40

Idemi peundeana UmaNgku: bona ope-ope tauna au moitaNa hai au mepoinalai Iriko AnaNa, ina molambihe katuwo maroa au bara mokahopoa, hai ina Kupopearohe i alo pebotusi.”

Lukasi 11:26

Ido hai laomi mokakio pitu hangka setana au meliu kakadakenda hangko iria. Lao mpuumohe mesua i tauna au napalehimi hangkoia, hai maidamohe inditi. Kahopoana, tetambaimi kameahi-ahina tauna iti hangko i nguru-nguruna.”

2 Tesalonika 2:3

Nauri noumba raranda, inee mpuuhe nipogiangaa mopakanawokau, lawi hangko da hawe Alo iti, hangangaa mewali hampai: bosa tauna ina moewahe Pue Ala, hai Manusia Kadake au tepakanotomi mesua i naraka, ina mampatongawa.

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Pampetudungia 17:11

Hai binata au tuwo hangkoia hai au barapi ara ide-ide, iami hadua hangko i datu au pitu inona ina mai hule bona moparenta; ia ina hawe mewali datu kaualu. Agaiana kahopoana datu iti batena rahuku hawe i hae-haena.

Ibarani 10:26

Lawi ane mohadimoke hai moisamoke Ngkora Marasa au hangko i Pue, hai roo indo taoaka mobabehi liliu dosa, barapi ara popenomba ntanina au peisa mohuru dosanta.

1 Timotiu 6:9

Agaiana tauna au mampeinaohe pebuku, mamurahe tekelo mobabehi dosa lawi teheahe hai peundeana lalunda au kadake. Peundeana lalunda iti bara mobundu, moanti peahe i kahurewu. Kahopoana manawohe i lalu dosa, alana molambi mpuuhe rugi.

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Pampetudungia 17:8

Hangkoia tuwo, hai ide-ide barapi ara, agaiana ina mesuwu hule hangko i kabe ngkapate au bara tehoka kakaladuna. Hai roo indo, ina rahuku mate. Tauna au maida i dunia au bara teuki hanganda i lalu Sura Ngkatuwo hangko damani dunia rapopewali, ina tingkarahe moita binata iti. Lawi hangkoia tuwo, ide-ide barapi ara, agaiana hambela tempo ina hawe hule.

Ibarani 10:38

Tauna au manoto i peitaNgku ina molambihe katuwo maroa hangko i pepoinalainda. Agaiana ane arahe au mousuli hangko i pepoinalainda, barahe Kupokana.”