Ibarani 10:35 - Sura Malelaha

³⁵ Mewali, inee mpuu nikabaha pepoinalaimi iti, lawi ane mepoinalai liliukau, ina mahile mpuu hurungina au nihumba.

Ibarani 10:35 교차 참조

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Lukasi 14:14

Ane nodo babehiamu, ina nawatiko Pue Ala, lawi bara rabuku tauna iti mohurungi babehiamu. Apa au nubabehi iti ina nahurungi Pue Ala i karapatuwonda hule ope-ope tauna au maroa babehianda.”

Ibarani 11:26

Naunde Musa rakakabosai anti pepoinalaina i Datu Topehompo au ina mai pane molambi peawana datu i tampo Masiri. Lawi ia meharunga liliu i Pue Ala bona mohumba hurungina au mahile i bokona.

Matiu 5:12

Nabi-nabi au hangkoia, rapopeahi-ahi worihe. Mewali, nipamatana lalumi, lawi mahile hurungina au ina nihumba i lalu suruga.”

Ibarani 4:14

Mewali, ara irikita hadua Tadulako Mpenomba Mahile au meliu kamahilena tuwoNa: iami Yesu Anana Pue Ala, au mengkaoremi mesua i suruga hai lao i lindona Pue Ala. Ido hai hangangaa tapakaroho pepoinalainta hai tapangaku liliu kaYesuna Amputa.

Ibarani 3:14

Lawi ikita ide mohintuwu hai Kerisitu, asala apa au tapoinalai hangko i nguru-nguruna takingki liliu hangko i lalunta au bara bata-bata duuna i kahopoana.

Matiu 10:32

Hema au mopangaku i lindonda tauna bosa peulana Iriko, ia ina Kupangaku wori i UmaNgku au ara i suruga.

Matiu 10:42

Hema au motulungi hadua topeulaNgku lawi ia mpuumi topeulaNgku, ina molambi hurungina i alo au ina mai. Kehapiri hadua tauna mowei pea owai ntoo i hadua topeulaNgku au koi tuwona, ia ina molambi hurungina hangko i babehiana au maroa.”

Ibarani 2:2

Lawi aturana Pue Ala au rapahawe malaeka i toiorunta hangkoia bara ara katebaliana. Hai hema pea au bara mampehadingi hai mampeulai atura iti ina molambi pehuku au hintoto hai babehianda,

Epesu 3:12

Anti pohintuwuta hai Kerisitu Yesu hai anti pepoinalainta Iria, baimoke mohungkuki Pue Ala hai barapi bata-bata lalunta.

Ibarani 10:19

Halalu! Ane Tadulako Mpenomba Mahile hangkoia, peisahe mesua i lalu Hologa Malelaha Ntepuu lawi moantihe wahe binata. Nodo wori ikita: anti wahena Yesu i kapateNa, barapoke langa mohungkuki Pue Ala i paidaaNa au malelaha.

2 Yohane 1:8

Ido hai hangangaa mainga-ingakau, lawi ane nikabaha pepoinalaimi i Pue Yesu, bara ara bunduna pobagongki mobambari Ngkora Marasa irikamu. Hangangaa mepoinalai liliukau i Pue bona i alo pebotusi ina nihumba hinangka hurungina pepoinalaimi.