Galatia 6:9 - Sura Malelaha

⁹ Mewali, ineeke oha-oha mobabehi apa au maroa, lawi ane mobabehi liliuke apa au maroa, batena ina tapupu wuana i tempo au tepakanotomi.

Galatia 6:9 교차 참조

1 Korintu 15:58

Mewali halalu au kupokaahi, hangangaa nipakaroho pepoinalaimi. Inee bata-bata lalumi. Hangangaa nipopolumao liliu bagona Pue, lawi niisa apa au nipobago i Pue bara ina mbero-mbero.

2 Tesalonika 3:13

Halalu-halalu, ineeke oha-oha mobabehi apa au maroa.

Ibarani 12:3

Nipeita halalu noumba kamaparina Yesu molindo tauna kadake au mosapuaka wataNa, hai kahopoana Ia rapapate. Mewali halalu, hangangaa nipekiri liliu noumba kamantahana Yesu i lalu kapari bona datikau malede hai masusa lalumi.

1 Peturu 2:15

Hangangaa nibabehi nodo, lawi itimi peundeana Pue bona hangko i kamaroana babehiami, tauna au bara moisa Pue barapohe bai mosalaikau.

Yakobu 5:7

Halalu-halalu! Hangangaa sabarakau mampegia kahaweNa hule Pue. Nipeita noumba kasabaranda topobonde mampegia powuana tuda-tudanda. Sabarahe mampegia uda i temponda mantuda hawe i powuana.

1 Peturu 3:17

Agintami molambi kapari anti babehianta au maroa, ane iti peundeanami Pue Ala, paneke molambi kapari anti babehianta au kadake.

2 Korintu 4:16

Ido hai bara ope peharungangki i Pue Ala. Nauri kamalede-ledea watangki ide, agaiana alo-alona kilambi karoho lalu au wou hangko i Pue.

Pampetudungia 2:3

Mantahakau i lalu kapari anti pepoinalaimi Iriko, hai bara malede lalumi meula Iriko.

1 Peturu 4:19

Ido hai, halalu, ane arakau au molambi kapari moula peundeana Pue Ala, nipaisare katuwomi i Pue Ala au mampopewali hinangkana, hai hangangaa nibabehi liliu babehia au maroa. Hai Pue Ala ina mopabukei ope-ope dandiNa irikamu.

Lukasi 18:1

Roo indo, Yesu mopahawe hampaka ngkora pandiri i topeguruNa bona mekakae liliuhe hai inee malede lalunda.

Matiu 10:22

Ina rakahihikau ope-ope tauna anti peulami Iriko. Agaiana tauna au meula liliu Iriko duuna i kahopoana ina tehoremahe.

2 Korintu 4:1

Mewali, Pue Ala moangkangkai mewali topobagoNa, hai kibuku mampopolumao bago ide anti kamaroana laluNa irikami. Ido hai bara ope peharungangki i Pue Ala.

Matiu 24:13

Agaiana tauna au mepoinalai liliu Iriko duuna i kahopoana ina molambihe katuwo maroa.

Pampetudungia 2:7

Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, Kupaliu mpuu maande wua kau ngkatuwo i Bonde Paradesi i suruga.”

Roma 2:7

Ara tauna au mobabehi liliuhe roa, lawi rapeinao molambi petoia, pebila hai katuwo au monono hangko i Pue Ala. I tauna au nodo, ina naweihe Pue Ala katuwo maroa au bara mokahopoa.

Pampetudungia 2:17

Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, ina Kupaliuhe moande manna au tewuni. Ina Kuwei worihe haogu watu au bula. I watu iti teuki hanga au wou, au bara raisa tauna ntanina. Au moisa, batena pea au modoko watu iti.”

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Ibarani 3:14

Lawi ikita ide mohintuwu hai Kerisitu, asala apa au tapoinalai hangko i nguru-nguruna takingki liliu hangko i lalunta au bara bata-bata duuna i kahopoana.

Epesu 3:13

Ido hai pane kuperapi bona inee masusa lalumi mohadi karapopeahi-ahingku hai karatarungguku anti poantiku Ngkora Marasa irikamu, lawi apa au kutodiha ide moanti pewati irikamu.

Ibarani 12:5

Hai inee naliu inaomi paturona Pue Ala irikamu anaNa, au manguli, “Anangku, nipailalu maroa paturona Pue, hai inee koi inaomi ane Nakambaroakau.

2 Korintu 9:6

Nipailalu lolitangku ide: apa au tatuda, iti wori au tapupu. Tauna au motuda haodi, haodi pea au napupu. Tauna au motuda ngkaia, ngkaia wori au napupu.

Matiu 9:19

Laomi Yesu meula i tauna iti, hai topeguruNa meula worihe.

Matiu 25:17

Nodo wori hawi au rawei rosabu, ia molambi wori anana rosabu.

Markus 3:3

Mololitami Yesu i tauna au wara taiena hambali, Nauli, “Maiko meangka inde i lindo.”