Galatia 6:4 - Sura Malelaha

⁴ Agina ope-ope tauna mampekiri babehiana haduduana, maroa ba bara. Ane maroa, peisa napokatana. Hai ineemi napapahintoto hai babehiana rangana.

Galatia 6:4 교차 참조

2 Korintu 13:5

Halalu, nipetandaka hampai watami, ba tou-tou mpuu tuwomokau i lalu pepoinalaimi i Kerisitu. Batena niisa kaarana Yesu i lalumi ba tauli ane pepoinalaimi mbero-mbero.

1 Korintu 11:28

Agina ope-ope tauna moparesahe hampai lalunda, hangko peisarihe maande roti.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

Lukasi 18:11

Toparisi iti meangka hai mekakae, nauli, ‘Pue Ala, kuuli ngkaia kamaroana Irio, lawi barana nodo tauna ntanina au manangka, au motengko lalunda, hai au mebualosi. Kuuli ngkaia kamaroana Irio lawi barana nodo olou toperuru asele.

Galatia 6:13

Katouana tauna au mampeulai ada mpetile iti, barato worihe mampeulai ope-ope Aturana Musa. Tunggaianda mopari-parikau ratile bona rapomahilehe anti kanipeulaina hawanda iti.

1 Korintu 3:8

Au mantuda hai au mobumbuhi, himbela peahe. Ihira rodua ina molambihe saronda moula kantimina bagonda.

1 Korintu 3:14

Ane pobagona hadua tauna mantaha i poparesana Pue, ia ina molambi sarona.

Pilipi 1:26

Mewali, ane hawe mbulina irikamu deade, ina tetambai kamatanami hai petoiami i Kerisitu Yesu.