Galatia 6:3 - Sura Malelaha

³ Ane ara hadua tauna au moimba tuwona melumbu, moleri barato, himbela pea mampodongkoa watana haduduana.

Galatia 6:3 교차 참조

1 Korintu 3:18

Ineekau mopakanawo watami haduduami. Ane ara hadua tauna i olomi au mengkamapande i lindo manusia, agina tauna iti mewali nodo tontuli i lindo manusia bona ia mewali mapande i lindona Pue Ala.

1 Korintu 8:2

Ane hadua tauna manguli, “Mapandena, kuisa paturo au tou,” agaiana bara ara ahina, makura mani kamapandena.

Roma 12:3

Anti kabulana laluna Pue Ala, Nawatimona mewali suroNa, ido hai kuweikau lolita ide: ineeke mampemahile. Ineekau mampekiri apa au bara hintoto nipekiri, agaiana nipekiri pea apa au hintoto moula apa au Nakiraiaamoke Pue Ala hadua-hadua, moula hokana pepoinalainta.

2 Korintu 3:5

Bara kiuli kibuku mpuu mampopolumao bagona Pue. Bara kibuku hangko i kapandeki haduduangki; Pue Alami au moweingkai kapande.

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

1 Yohane 1:8

Ane tauli bara ara dosanta, modongkomoke hai barake mopailalu paturo au tou.

Roma 12:16

Mohintuwukau hai rangami. Ineekau mampemahile, agina nipogaloahe tauna au i woi katuwonda. Hai inee nipekiri kapandemi melumbu hangko i rangami.

Lukasi 18:11

Toparisi iti meangka hai mekakae, nauli, ‘Pue Ala, kuuli ngkaia kamaroana Irio, lawi barana nodo tauna ntanina au manangka, au motengko lalunda, hai au mebualosi. Kuuli ngkaia kamaroana Irio lawi barana nodo olou toperuru asele.

Yakobu 1:22

Mewali, ane mohadikau Ngkorana Pue, hangangaa nipeulai. Inee nipehadingi mbero pea. Lawi ane nodo, mopakanawomokau watami haduduami.

Yakobu 1:26

Ane ara hadua tauna au manguli ia mosarani mpuu agaiana bara naisa mokampai pohumena bona maroa polololitana, mopakanawomi watana haduduana. Posaranina iti bara mobundu.

2 Timotiu 3:13

Agaiana tauna au kadake hai au modongko, ina tetambai kakadakena babehianda. Mopakanawohe ranganda hai paturonda au sala, agaiana tepakanawo worihe.

2 Korintu 12:11

Ane inona mololitamona nodo tontuli, ikamu au mampopewalina node. Katouana ikamuri au hangangaa motoiana. Lawi kehapina malede, barato worina tepaiwoi hangko i suro ntanina au mampemapande gagahe iti.

Galatia 2:6

Mewali, tadulako i Yerusale au mapangka lantinda barahe motambai ba apa pea i paturongku. (Au mapangka lantinda ba bara, himbela peake ope-ope, lawi Pue Ala bara mampopontani tauna.)

Suro 5:36

Lawi bahangkia parena liu, ara hadua tobalilo au rahanga Teudas au mopahawe kaiana tauna au makuasa. Mewali, bosa tauna meula iria, ba aratomohe pae iba atuna. Agaiana kahopoana ia rapapate, hai topeguruna mahawuhe, alana pepaturona barapi pulo.

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.