Galatia 6:2 - Sura Malelaha

² Hangangaa mombembetulungikau hadua hai hadua bona hai babehiami iti, nipeulaimi hawana Kerisitu.

Galatia 6:2 교차 참조

Roma 15:1

Ikita au marohomi pepoinalainta i Pue Ala, hangangaa sabarake i kabata-batana lalunda ranganta au bara mani maroho pepoinalainda. Inee peake mohaoki kamatananta haduduanta.

1 Tesalonika 5:14

Halalu, kiperapi bona rangami au lohehe mobago niweihe lolita. Nipalindohe au masusa lalunda. Nipakarohohe au malede pepoinalainda, hai hangangaa sabarakau i ope-ope tauna.

Yohane 13:34

Kuweikau hawa au wou: mombepokaahimokau. Hangangaa mombepokaahikau nodo kaKupokaahimi.

1 Yohane 4:21

Mewali, ide hawana Kerisitu irikita: hema au mampokaahi Pue Ala, hangangaa mampokaahi wori halaluna.

Yakobu 2:8

Maroa babehiami ane mampeulaikau hawana Datunta au i lalu Sura Malelaha au manguli, “Nipokaahi hangka rangami nodo pampokaahimi watami haduduami.”

Yohane 15:12

Idemi hawaNgku: mombepokaahimokau, nodo kaKupokaahimi.

1 Peturu 2:24

Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.

Matiu 8:17

Ope-ope au nababehi Yesu ide mopabukeimi lolitana nabi Yesaya hangkoia au manguli, “Iami au mohalea pantodihanta hai mopakaoha hakinta.”

Galatia 6:5

Lawi ope-ope tauna hangangaa mohalea babehiana haduduana.

1 Korintu 9:21

Ane mopahawena Ngkora Marasa i tauna au bara moisa Aturana Musa, mewalina nodo hadua tauna au bara moula Aturana Musa bona kuantihe mepoinalai i Kerisitu. (Agaiana inee rauli: bara kupeulai hawana Pue Ala. Mengkoru liliuna i hawana Kerisitu.)

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

Lukasi 11:46

Mehana Yesu, “Hurewu worimokau guru agama! Lawi ikamumi au mopahaleangia tauna bosa hai parenta hai ada agama au mantimi, agaiana bara niunde motulungihe. Mogalori hangkau karawemi bara nipake modureihe.

Yakobu 1:25

Ido hai hangangaa nipailalu maroa Ngkorana Pue Ala hai nipeulai liliu. Lawi Ngkorana Pue bara ara kamakurana, hai ara kuasana mokabahake hangko i dosa. Mewali, inee nipehadingi pea Ngkora iti hai naliu inaomi. Hangangaa nipeulai Ngkora iti, lawi ope-ope tauna au mobabehi nodo, batena nawatihe Pue Ala i apa pea au rapobago.

Yakobu 2:12

Ido hai hangangaa nipamaroa-roa pohohowarami lolita hai babehiami. Lawi kara-karanta ina rabotusi moula Aturana Pue Ala au mokabahake hangko i huku dosanta.

2 Peturu 2:21

Aginami barahe moisa rara au tou, pane moisahe rara au tou agaiana moaehe hawana Pue Ala au rapahaweamohe.

2 Peturu 3:2

Tunggaiaku bona nikatuinao apa au rapahawemi nabi au malelaha hangkoia, hai bona nikatuinao wori hawana Amputa Pue Yesu au mohoremamoke hangko i huku dosanta. HawaNa iti nihadi hangko irikami suroNa.