Galatia 6:10 - Sura Malelaha

¹⁰ Ido hai, liana mani ara loga au raweike, hangangaa mobabehike apa au maroa i ope-ope tauna, pelumbunami i halalunta hampepepoinalai.

Galatia 6:10 교차 참조

Ibarani 13:16

Ineekau mokabaha babehiami au maroa. Hangangaa motulungikau rangami, lawi itimi popenomba au napokatana Pue Ala.

1 Tesalonika 5:15

Ane ara au mobabehi dake irikita, inee wori tahurungi hai dake. Agina mobabehi liliuke au maroa i ranganta hai i ope-ope tauna.

Titu 3:8

Tou mpuu lolitangku inona. Ido hai kuperapi bona paturo ide nupakanotoahe ope-ope tauna au mepoinalai i Pue Ala bona mobabehi liliuhe apa au maroa. Paturo ide iami paturo au maroa, hai au mobundu i ope-ope tauna.

Matiu 25:40

Hai Iko Datu, Kuhanaihe, ‘Bona niisa, apa au nibabehi motulungi halaluNgku, nauri hadua pea halaluNgku au meahi-ahi katuwona, lempona, himbelami hai nibabehi Iriko.’

Ibarani 6:10

Pue Ala batena manoto. Bagomi au nipobagomi hangko i lalumi au buke ahi bara ina naliu inaoNa. Manoto nipokaahi Pue Ala, lawi bosami belana motulungikau halalumi hampepepoinalai, maroa i tempo au liu, maroa ide-ide.

Epesu 2:19

Ikamu au barakau to Yahudi, ide-ide barapokau tepairaoa au bara teimba taunana Pue Ala. Mewalimokau hintuwu hai ope-ope tauna au mepoinalai i Yesu. Hantina-ntinamokau hai ope-ope anana Pue Ala.

Yohane 12:35

Nauliangaahe Yesu, “Hampalai pearai, pewangka au mopamabaakau ide-ide barapi ina ara hihimbela hai ikamu. Molumao liliumokau i lalu kamabaana i tempona pewangka iti ara mani irikamu bona datikau narumpa kamakaindi. Tauna au molumao i lalu kakaindiana, bara raisa iumba kalaoanda.

Lukasi 6:35

Inee nodo babehiami! Hangangaa nipokaahi iwalimi, hai hangangaa nibabehi au maroa irihira. Ane ara tauna au mampeinao mebolo irikamu, niwei woia hai inee niharunga pesulena. Ane nibabehi nodo, ngkaia pewati ina naweikau Pue Ala, hai ina raimbakau anaNa, lawi nodomi kamaroana laluna Pue Ala i tauna au kadake hai i tauna au bara raisa manguli ngkaia kamaroana Iria.

Yohane 9:4

Hangangaa tapopolumao bagona Pue Ala au motuduNa, liana mani mabaa. Tempo kaindi ina hawemi, hai ane kaindimi barapi ara tauna au peisa mobago.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Pilipi 4:10

Matana mpuu lalungku halalu, hai motoiana Pue, lawi nauri mahaemona bara mohadi bambari hangko irikamu, agaiana ide-ide nipopakatuana petulungimi. (Barari kuuli barapona nikatuinao agaiana kadanari ara katepakami motulungina.)

Matiu 12:50

Lawi hema-hema au mobabehi peundeana UmaNgku au ara i suruga, ihirami halaluNgku hai ihirami inaNgku.”

3 Yohane 1:11

Halalungku! Ineeko mampeulai babehia au kadake. Nupeulaimi babehia au maroa. Tauna au mobabehi roa, tongawa kanapoanandami Pue Ala. Tauna au mobabehi dake, tongawa kadanda mani moisa Pue Ala.

Kolose 4:5

Ane mampogaloakau tauna au barake hampepepoinalai, hangangaa mapande-pandekau moanti watami bona peisakau mampopobundu katepakami mopahaweahe rara mepoinalai i Pue.

Epesu 5:16

Hangangaa nipopobundu maroa tempo au ara irikamu, lawi i tempo ide-ide kadake mpuu babehia manusia.

1 Yohane 5:1

Ope-ope tauna au mampoinalai Yesu iami Datu Topehompo, ihirami au napoana Pue Ala. Hai hema au mampokaahi Pue Ala Umanta, batena mampokaahi wori ope-ope tauna au napoana Pue Ala.

Ibarani 3:6

Agaiana Kerisitu, bara pea topobago. Ia Anana Pue Ala au matundu mampopolumao bagoNa nodo hadua tadulako au mokadipura ope-ope ihi souna Pue Ala. Ihi souna Pue Ala iti, ikita idemi, asala maroho liliu pepoinalainta hai meharunga liliuke i Pue Yesu duuna i kahopoana.

Markus 3:4

Roo indo, mouliangaahe toParisi, “Moula atura agamanta, apa au peisa tababehi i Alo Pengkarooangaa: mobabehike au maroa ba au kadake? Motulungike ranganta ba mopapateke ranganta?” Agaiana toParisi iti, barahe mau mehana, mandii-ndii peahe.

Epesu 3:15

Iami pongkana hinangka au ara, maroa i dunia maroa i suruga.

Matiu 5:43

“Niisato wori paturo au manguli, ‘Nupokaahi hangka rangamu, hai nukahihi iwalimu.’

Matiu 10:25

Apa au mewali i hadua guru, iti wori au ina mewali i topeguruna. Apa au mewali i hadua tuana, iti wori au ina mewali i hawina. Maroa-roakau, lawi Iko, Ampumi, hai ikamu, topeguruNgku. Mewali, ane rapana Iko rahanga Beelsebul, datunda ope-ope seta, pelumbunami ikamu au meula Iriko. Ina rakakabosai worikau.”

Suro 6:7

Hangko inditi, tebambari ntepuumi Ngkorana Pue Ala, mewali kabosa-bosaamohe tauna i Yerusale au meula i Yesu, hai bosa worihe tadulako mpenomba au mepoinalai i Yesu.

Galatia 1:23

Mohadi peahe lololita au manguli, “Hadua tauna au hangkoia mampopeahi-ahike, ide-ide mopahawemi Ngkora Marasa au hangkoia napari-pari napatuna.”

Epesu 4:28

Tauna au manangka, ineemohe manangka. Aginda mobago bona molambihe apa au raparaluu hai bona peisa worihe motulungi ranganda au mapari.

1 Tesalonika 5:21

Niparesa maroa-roa hinangka lolita iti, hai nikingkimi apa au maroa.

1 Peturu 2:5

bona Napopewalikau nodo watu au tuwo au rapake moaro sou penombaa i Pue Ala. Napopewali worimokau nodo tadulako mpenomba au malelaha. Nodo tadulako mpenomba mohuhu popenombanda i Pue Ala, ikamu wori hangangaa mohuhu katuwomi i Pue Ala. Itimi au mewali popenombami Iria, hai popenombami iti mopamatana laluna Pue Ala anti kanahoremantami Yesu Kerisitu.

1 Peturu 4:17

Hawemi tempona Pue Ala ina mobotusi kara-karanda ope-ope tauna. Hai ikita au Napoana, batena ioru Nabotusi kara-karanta. Mewali ane kara-karanta au ioru Nabotusi, manoto ina melumbu pehukuNa i tauna au barahe mepoinalai i Ngkora Marasa au hangko Iria.

3 Yohane 1:3

Matana mpuu lalungku, lawi arahe bahangkia halalunta hampepepoinalai au hawe inde moanti bambari kana irio, rauli: mepoinalai liliuko i paturo au tou, hai babehiamu moula wori paturo iti.

3 Yohane 1:10

Mewali, ane hawena irio, ina kutuntuako babehiana au kadake. Nasalai liliungkai agaiana pesalaina iti bara tou. Hai bara ido pea babehiana. Ane halalunta au mobambari Ngkora Marasa mehupehe i boeami, barahe nadoko, hai mokonto worihe tauna bona ineehe modoko tauna iti. Hai hema pea au modokohe topoanti Ngkora, napopelohohe hangko i jumaa iti.

2 Korintu 2:8

Ido hai kuperapi bona nitudungia kamaahimi iria.