Galatia 6:1 - Sura Malelaha

¹ Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.

Galatia 6:1 교차 참조

Roma 15:1

Ikita au marohomi pepoinalainta i Pue Ala, hangangaa sabarake i kabata-batana lalunda ranganta au bara mani maroho pepoinalainda. Inee peake mohaoki kamatananta haduduanta.

2 Tesalonika 3:15

Ngkalinari ineehe niimba iwalimi. Agaiana nipaturohe nodo halalumi.

2 Timotiu 2:25

Ane arahe tauna au moewake, hangangaa takambaroahe hai lolita au maalusu, babila nawei manihe Pue katepaka menoso hangko i peewanda. Lawi ane menosohe, ina moisahe paturo au tou duuna manoto lalunda hai tekabahahe hangko i kuasa Datu Tokadake au mopari-parihe mampeulai peundeana.

1 Yohane 5:16

Ane niita hadua halalumi au mobabehi dosa au bara moanti i kapate, hangangaa nipekakaea woia bona Pue Ala batena mowei katuwo maroa au bara mokahopoa. Agaiana ara wori dosa au moanti tauna i kapate, kana i dosa iti barakau kutudu mampekakaengaahe tauna au mobabehi.

2 Korintu 2:7

Ide-ide hangangaa niampungi. Nipalindo laluna dati gaga masusa pekirina duuna barapi ara peharungana.

Ibarani 12:13

Hangangaa nipakaroho peulami i Pue bona ane ara mani i olomi au bata-bata lalunda, barahe ina manawo, agaiana kamaroho-rohoari pepoinalainda.

1 Peturu 3:15

Agina nipaisare katuwomi i Kerisitu, hai nipangaku kaIana pea Ampumi. Nipasilolonga amimi pehanami i tauna au mekune irikamu kana i peharungami i Pue Ala. Agaiana ane nihanaihe, hangangaa nipamaalusu lolitami hai meadaikau.

Roma 14:1

Ara halalunta hampepepoinalai au bara mani maroho pepoinalainda. Hangangaa nidoko maroahe tauna iti. Kehapiri mosisala pelambimi, inee iti au nipombehehei.

1 Korintu 10:12

Mewali, ane arakau au manguli: “Marohomi pepoinalaingku i Pue,” hangangaa maroa-roakau bona datikau manawo i lalu dosa!

1 Korintu 4:21

Mewali, umba au niunde: Hawena mokambaroakau hai lolita au makasara ba mopaturokau hai lolita au maalusu, au buke pepokaahi.

Yakobu 3:2

Ikita ope-ope, madahake mobabehi sala. Agaiana ane rapana arahe tauna au bara mobabehi sala i polololitanda, ihira au malelaha tuwonda hai au peisa mokuasai ope-ope peundeana lalunda.

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

Matiu 9:13

BaraNa mai mokakio tauna au manoto babehianda. Kamaingku ide, mokakioNa tomadosa bona menosohe hangko i dosanda. Mewali, nipekiri hampai apa lempona Ngkorana Pue Ala au teuki node: ‘Bara Kuperapi binata au nipopenomba Iriko. Au Kuperapi bona maahikau i hangka rangami.’ ”

1 Korintu 14:37

Ane arahe tauna au manguli, “Molambina kapande mopahawe lolita hangko i Pue Ala,” ba “Molambina kapande hangko i Inao Malelaha,” tauna iti hangangaa mopangaku apa au kuuki ide iami parenta hangko i Pue.

1 Korintu 7:5

Ikamu tohamboko, ineekau mombekaraohi alana barapokau moluhi. Ba tauli ane popakanoto sambelamimi, lawi nipeinao bona peisakau mekakae. Agaiana roo iti, hangangaa moluhi mbulikau bona datikau nakelo Datu Tokadake mobabehi sala anti kadana nibuku morempeki peundeana lalumi.

1 Korintu 2:15

Ikita au molambi Inao Malelaha, manoto lalunta moparesa hinangkana: maroa ba bara. Agaiana tauna au bara moisa Pue Ala, barahe peisa moparesa lalunta.

Roma 8:6

Lawi peundeana lalunda au kadake mopaara kapate, agaiana peundeana Inao Malelaha mopaara katuwo hai roa ngkatuwo.

Matiu 11:29

Nihaleami haleaNgku, hai megurukau Iriko bona molambikau katinda lalu. Lawi maalusuNa hai mengkaiwoiNa.

Yakobu 3:13

Ane ara tauna i olomi au maroa pekirinda hai au manoto lalunda, iti hangangaa rapatongawa i babehianda au maroa au mesuwu hangko i lalunda au mengkaiwoi moula apa au hintoto i tauna au manoto lalunda.

Ibarani 13:3

Hangangaa mokatuinaokau rangami au i lalu tarunggu. Hangangaa nihalea kaparinda nodo worikau ratarunggu hihimbela hai ihira. Hai nitulungihe tauna au rapopeahi-ahi anti pepoinalainda. Hangangaa nihalea kamaparinda nodo worikau au rapopeahi-ahi hihimbela hai ihira.

Galatia 5:23

mengkaiwoike, hai morempekike lalunta. Bara mpuu ara atura au peisa mohomboki babehia au nodo.

1 Korintu 3:1

Halalu, i tempoku mani hihimbela hai ikamu hangkoia, barakau peisa kupaturo nodo tauna au molambihe Inao Malelaha. Kupaturo peakau nodo tauna au moula manihe peundeana lalunda au kadake. Lawi i tempo iti, bara mani manoto pepoinalaimi i Kerisitu; i pepoinalaimi nodo manikau analei.

Matiu 26:75

Nakatuinaomi Peturu lolitana Yesu au mouliangaa, “Hangko damani motuturua manu, talumi belaNgku nusapuaka.” Padumi Peturu lao i raoa, hai moteriami monggoro-nggoro lawi masusa laluna.

Matiu 26:69

I tempona Peturu mohuda i tabangaa, maimi hadua towawine au mobago i souna Tadulako Mpenomba Mahile mouliangaa Peturu, “Bara pae oio wori hadua rangana Yesu to Galilea iti?”

Galatia 6:18

Halalu-halalungku! Amputa Yesu Kerisitu, mowatikau ope-ope. Amin. Hangko iriko PAULU

1 Tesalonika 4:1

Mewali halalu, kiperapi bona nipeulai ope-ope paturo au nihadimi hangko irikami bona babehiami moula peundeana Pue Ala. Katouana, ide-ide maroami babehiami. Agaiana anti kuasa au naweingkai Pue Yesu, kiperapi hai kipari-pariakau bona nitambai mbuli kamaroana babehiami.

2 Korintu 2:8

Ido hai kuperapi bona nitudungia kamaahimi iria.