Galatia 5:7 - Sura Malelaha

⁷ Hangkoia, peulami i Ngkora Marasa maroa. Hemarihe au mohombokikau pane barapokau mampeulai paturo au tou?

Galatia 5:7 교차 참조

1 Korintu 9:24

Halalu, niisa ane tauna momberiri melangka, bosa tauna au melangka, agaiana hadua pea au molambi parasee. Ikamu wori halalu peisa rapandiri nodo tauna au momberiri melangka; hangangaa nipari-pari moula peundeana Pue Ala duuna molambikau parasee.

Galatia 3:1

Halalu to Galatia, ntuli mpuukau. Hemarikau au mopakanawo, alana barapi nipeulai paturo au tou? Manoto mpuu paturongku hangkoia irikamu au mopakanotoakau tunggaiana Yesu Kerisitu mate i kau mombehape.

Ibarani 12:1

Halalu! Peisa tauli: ope-ope tauna au maroho pepoinalainda iti motolelikike hai mosabiki katuwonta. Ido hai kuhuweki lalunta bona tatende ope-ope au doko mohomboki raranta meula i Pue. Ikita ide nodo tauna au momberiri. Hangangaa tatende dosanta au montimihike, hai mantahake moula rara au napakanotoake Pue Ala.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

2 Korintu 10:5

Kuasa iti kipake monangi tauna au mampemahilehe hai kapandenda mohomboki hangka ranganda au mampeinao moisa Pue Ala. Anti karoho au kihumba hangko i Pue Ala, kibaliki lalunda tauna iti bona mengkoruhe i Kerisitu.

Roma 2:8

Agaiana ara worihe tauna au mampekiri pea watanda. Barahe mau moula peundeana Pue Ala, moula pearihe peundeanda au kadake. Ihira ina molambi karumpuNa hai pehukuna Pue Ala.

Matiu 13:21

Agaiana bara kaladu pouakana Ngkorana Pue Ala i lalunda, ido hai barahe mantaha. Ane rapopeahi-ahihe ba rapamaparihe anti pepoinalainda i Ngkorana Pue, mousulihe hai barapohe mepoinalai.

2 Tesalonika 1:8

Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

Roma 6:17

Mangulina ngkaia kamaroana i Pue Ala, lawi hangkoia hangko damanikau mepoinalai i Yesu, napohawikau dosa. Agaiana ide-ide hangko i lalumi mpuu mampeulai paturo au rapahaweakau.

Ibarani 5:9

Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

Roma 16:26

Agaiana ide-ide Pue Ala motudungiake tunggaiaNa i sura au rauki nabi-nabi hangkoia hai au rapahawe i ope-ope tauna moula parentana Pue Ala bona ope-ope tauna peisa mepoinalai hai mengkoru Iria. Iami Pue Ala au tuwo hawe i hae-haena,

Roma 15:18

Au kuuli ide, kupobago anti kuasana Kerisitu Yesu bona tauna au barahe to Yahudi mengkoru i Pue Ala. Mengkoruhe i Pue Ala anti pobagongku hai pepaturongku,

Roma 10:16

Arami tauna au ratudu moanti bambari maroa, agaiana barahe ope-ope tauna mampoinalai bambari maroa iti. Ara lolitana nabi Yesaya hangkoia au manguli, “Pue, arahe pae au mepoinalai i bambari au kiantiahe?”

Ibarani 11:8

Anti pepoinalaina, Burahima mampeulai hawana Pue Ala. Burahima nakakio hai natudu Pue Ala lao i tampo au karao, Nauliangaa, “Tampo au Kutudungiako ina mewali kiramu hai kiranda pemuleamu.” Mewali, kehapiri bara naisa iumba kalaoana, meangkami Burahima moula hawana Pue Ala.

Suro 6:7

Hangko inditi, tebambari ntepuumi Ngkorana Pue Ala, mewali kabosa-bosaamohe tauna i Yerusale au meula i Yesu, hai bosa worihe tadulako mpenomba au mepoinalai i Yesu.

Galatia 2:2

Laona i Yerusale lawi Napatongawami Pue Ala iriko hangangaa laona. Kahawengku i Yerusale, kupombelambiamohe penatua hai mogombongkai. Kupahaweamohe kana i pobambaringku Ngkora Marasa i tauna au barahe to Yahudi. Kupahaweahe lawi kupokalanga: paturongku ina rasalai duuna barapi ara bunduna pobagongku mopaturo tauna kana i Ngkora Marasa, maroa au roomi kupobago, maroa au tangana mani kupobago.

Galatia 5:10

Nauri nodo, batena pea kupoinalai kadami mampeulai paturo au mepawuli iti, lawi mohintuwumoke hai Pue Yesu. Hai manoto wori iriko, hema pea au mopawulikau hai paturonda, batena nahukuhe Pue Ala.