Galatia 5:6 - Sura Malelaha

⁶ Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

Galatia 5:6 교차 참조

Galatia 6:15

Ratile ba bara, iti bara paraluu. Au paraluu iami katuwo au wou hangko i Pue Ala.

1 Korintu 7:19

Lawi i peitana Pue, ane ratile ba barake ratile, himbela pea. Au paraluu ntepuu, tapeulaimi hawana Pue Ala.

1 Tesalonika 1:3

Ane mekakaengkai i Pue Ala Umanta, kikatuinao liliu pobagomi anti pepoinalaimi, kikatuinao petulungimi i rangami anti kamaahimi, hai kikatuinao kamantahami i lalu kapari anti peharungami i Amputa Yesu Kerisitu.

Galatia 3:28

Pue Ala bara mampopontani tauna maroa to Yahudi ba bara to Yahudi, maroa hawi ba au bara hawi, maroa tobalilo ba towawine; i peitana Pue Ala himbela haha peake anti pohintuwuta hai Kerisitu Yesu.

2 Korintu 5:14

Anti kamaahina Kerisitu irikami, ido hai kipari-pari mampopolumao bagongki mopahawe Ngkora Marasa. Lawi kiisa, Kerisitu mate mohuru dosa ope-ope tauna, iti lempona mate hahamoke.

1 Peturu 1:8

Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

Ibarani 11:8

Anti pepoinalaina, Burahima mampeulai hawana Pue Ala. Burahima nakakio hai natudu Pue Ala lao i tampo au karao, Nauliangaa, “Tampo au Kutudungiako ina mewali kiramu hai kiranda pemuleamu.” Mewali, kehapiri bara naisa iumba kalaoana, meangkami Burahima moula hawana Pue Ala.

1 Korintu 13:13

Mewali, ide-ide, ara talu pakana au hangangaa tababehi: mepoinalaike i Pue Ala, meharungake i dandiNa, hai maahike i hangka ranganta. Agaiana hangko i talu pakana iti, au melumbu kamaroana iami ahi.

Galatia 3:26

Mewali, Napoanamoke Pue Ala ope-ope anti pepoinalainta i Kerisitu Yesu.

Epesu 6:23

Halalungku hampepepoinalai! Kuharunga Pue Ala Umanta hai Pue Yesu Kerisitu ina moweikau roa ngkatuwo. Hai kuharunga wori bona Pue Ala ina motambai liliu ahimi hai pepoinalaimi.

Kolose 1:4

lawi kihadimi bambari au mopahawe noumba kamarohona pepoinalaimi i Kerisitu Yesu hai kamaahimi i ope-ope tauna au mepoinalai.

Lukasi 7:5

lawi ia mampokaahike, ikita to Yahudi, hai mokira doina rapopoaro sou penombaaki.”