Galatia 5:16 - Sura Malelaha

¹⁶ Tunggaiaku node: hangangaa naninike Inao Malelaha bona datike mampeulai peundeana lalunta au kadake.

Galatia 5:16 교차 참조

Galatia 6:8

Hema-hema pea au mobabehi liliu peundeana laluna au kadake, ina molambi wori wua au kadake iami ragaaki hangko i Pue Ala hawe i hae-haena. Agaiana hema pea au mampeulai liliu peundeana Inao Malelaha, ina molambi katuwo maroa hihimbela hai Pue Ala hawe i hae-haena lawi katuwo au maroa iti hangko i Inao Malelaha.

1 Peturu 2:11

Halalu au kupokaahi! Ikita i lalu dunia ide, nodoke torare ba topolilo, lawi maidake i olonda tauna au barahe mepoinalai i Pue Ala. Ido hai kuweikau lolita: ineekau moula peundeana lalumi au kadake, lawi iti moewa tunggaiami mengkoru i Pue Ala.

2 Korintu 7:1

Halalu-halalu au kupokaahi, anti kanaweinta Pue Ala dandiNa iti, ido hai hangangaa takabaha hinangkana au moantike i babehia au kadake, maroa au i watanta ba i lalunta. Hangangaa mampeulai mpuuke peundeana Pue Ala, hai hangangaa langake mobabehi apa pea au bara moula peundeaNa.

Roma 6:12

Ido hai kuweikau lolita, halalu: inee tapogiangaa dosa mokuasai katuwonta i dunia ide; inee tapeulai peundeana lalunta au kadake.

Epesu 2:3

Hangkoia, ikita ope-ope nodo wori babehianta. Moula peake peundeana lalunta hai pekirinta au kadake. Nodo ihira, i tempo iti ikita hintoto worike nakarumpui Pue Ala anti babehianta au kadake.

1 Peturu 1:14

Napoanamokau Pue Ala, ido hai hangangaa nipeulai hawaNa. Ineekau moula peundeami haduduami nodo hangkoia i tempomi mani tuwo i lalu kamakaindi.

1 Peturu 4:6

Ido hai Ngkora Marasa rabambaria worihe tauna au mate, bona kehapihe mate nodo ope-ope manusia anti kamadosanda, batenda molambi worihe katuwo maroa moula peundeana Pue Ala.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.

Kolose 2:11

Anti pohintuwumimi hai Kerisitu, himbela pea ratilemokau. Karatilemi iti, bara petile au napobago manusia, agaiana petile au napobago Kerisitu i lalumi. Lempona, Nakabahamokau hangko i kuasa dosa.

Galatia 3:17

Mewali halalu, idemi lempona ngkora pandiriku inona: nguru-nguruna Pue Ala mopenemi dandiNa i Burahima. Iba atuna hai talu pulona parena roo indo, Ia mowei wori AturaNa Musa. Agaiana Atura iti bara mpuu mobaliki dandina Pue Ala au Napaarami hangkoia i Burahima. DandiNa iti batena mewali.

Roma 8:1

Mewali, ide-ide barapi ara pehuku irikita au mohintuwumoke hai Kerisitu Yesu.

1 Korintu 7:29

Halalu, tunggaiaku node: ikita to Sarani, hangangaa takatuinao kadanapi ngkaia tempota i dunia ide. Ido hai kuuli, mepongka ide-ide, ikamu au motambimokau, inee nipaioru potambimi. Batena bagona Pue au hangangaa tapaioru.