Galatia 5:10 - Sura Malelaha

¹⁰ Nauri nodo, batena pea kupoinalai kadami mampeulai paturo au mepawuli iti, lawi mohintuwumoke hai Pue Yesu. Hai manoto wori iriko, hema pea au mopawulikau hai paturonda, batena nahukuhe Pue Ala.

Galatia 5:10 교차 참조

Galatia 5:12

Aginami tauna au mopawuio pepoinalaimi bara peahe ratile agaiana rabohokilau peami!

Pilipi 3:15

Mewali, ikita au manoto peulanta i Pue, hangangaa hampepekirike mobabehi nodo au kuuli inona. Agaiana ane arakau au bara himbela pekirimi, Pue Ala batena ina mopakanotoakau paturo au tou.

Galatia 1:7

Katouana paturo iti bara peisa mopahaweake noumba rara molambi katuwo maroa hangko i Pue Ala, batena pea Ngkora Marasa au kipahaweakau. Ide-ide arahe tauna au hawe i olomi au mopawulikau hai paturonda au sala, tunggaianda mampeinaohe mobaliki Ngkora Marasa kana i Kerisitu.

2 Korintu 2:3

Ido pongkana pane kupakatumi hambua sura irikamu hangkoia bona ane hawena deade, barapi nipakasusa lalungku. Lawi katouana, ikamuri au hangangaa mopakatana lalungku. Hai kuisa, ane matanana, ikamu wori ina matana.

1 Timotiu 1:20

Arahe rodua au marugi pepoinalainda iami Himeneus hai Aleksander. Ihira iti kuhuhuhe i kuasana Datu Tokadake bona molambihe pehuku datihe mopapakoi kuasana Pue Ala.

Galatia 6:17

Kahopoana, kuperapi bona datipi ara au mopakasusana. Lawi lari i watangku ide mopakanoto kaikona surona Pue Yesu.

Galatia 4:17

Arahe tauna au mampeinao mangala lalumi. Agaiana tunggaianda bara maroa, lawi rapeinao mogaakikau hangko iriko bona meulakau irihira.

Galatia 3:1

Halalu to Galatia, ntuli mpuukau. Hemarikau au mopakanawo, alana barapi nipeulai paturo au tou? Manoto mpuu paturongku hangkoia irikamu au mopakanotoakau tunggaiana Yesu Kerisitu mate i kau mombehape.

Galatia 2:6

Mewali, tadulako i Yerusale au mapangka lantinda barahe motambai ba apa pea i paturongku. (Au mapangka lantinda ba bara, himbela peake ope-ope, lawi Pue Ala bara mampopontani tauna.)

Galatia 2:4

nauri ara au mopari-pari bona ratile. Ihira iti iamohe tauna au mouli katoSaraninda agaiana dongkonda pea. Mesua ngkandii-ndiihe i olongki lawi tunggaianda bona ope-ope to Sarani hangangaa mengkoruhe i Aturana Musa. Agaiana ikita barake paraluu mengkoru i atura iti bona manotoke i peitana Pue Ala. Ikita tekabahamoke hangko i aturana Musa anti pohintuwuta hai Kerisitu Yesu.

2 Korintu 10:6

Mewali, ane mengkoru mpuumokau irikami, ina kihukuhe tauna au mosapuaka maningkai.

1 Korintu 5:5

bona nihuhu peami tauna iti i kuasana Datu Tokadake. Lempona, nitudumi meloho hangko i olomi, hai ineemi nipogaloa. Mewali watana molambi pehuku agaiana tanoanana molambi katuwo maroa i kahawena Pue Yesu.

Suro 15:24

Ara kihadi bahangkia tauna hangko irikami inde au lao irikamu mopawulikau i lalu pepoinalaimi hai paturonda. Mewali bona niisa: barahe kitudu.

Pilemo 1:21

Moukina sura ide, lawi kupoinalai kaina nubabehiana apa au kuperapi. Hai kupoinalai apa au nubabehi batena melumbu hangko i apa au kuperapi.

2 Tesalonika 3:4

Mewali, anti pekadipurana Pue irikamu, ido hai kiisa mpuu kanipeulaina apa au kipaturoakau, hai kiisa wori paturo iti ina nipeulai liliu.

Galatia 4:20

Ide-ide kupeinao mpuu bona hihimbelana hai ikamu bona lolitangku au makasara i sura ide anti kawuntunami pekiringku, peisa kubaliki.

Galatia 4:11

Au kupokalanga, bara ina mobundu kamawowengku mopahawe Ngkora Marasa irikamu.

2 Korintu 13:10

Ido hai kuukiakau sura ide i tempoku mani karao hangko irikamu bona ane hawena deade, barapi mahara lolitangku irikamu au kupahawe hai kuasa au naweina Pue. Lawi kuasa iti barana Nawei bona mopakanawona pepoinalaimi, ngkalinari Naweina bona kupakaroho pepoinalaimi.

2 Korintu 10:2

kuperapi bona barapi paraluu kutudungiakau kuasangku ane hawena irikamu! Lawi ara mpuu tunggaiaku mampetudungia kuasangku i tauna au manguli babehiangki nodo pea babehianda tauna au bara moisa Pue Ala.

2 Korintu 8:22

Ara mani hadua tauna au kitudu lao irikamu hihimbela hai ihira. Kiisa kamadotana medurei i lalu bagona Pue, lawi kisabikimi babehiana i lalu paka-pakana bago. Hai ide-ide, napeinao mpuu motulungikau, lawi naisa tunggaiami motulungi halalunta hampepepoinalai.

2 Korintu 7:16

Mewali halalu, hambela mani kuuli: matana mpuuna, peisamokau kuharunga i hinangkana.

2 Korintu 5:16

Mewali, ido hai barapongkai mampeita tauna moula apa au raita i raoa. Hangkoia kiuli, Kerisitu manusia biasa pea, agaiana ide-ide barapi nodo pekiringki.

2 Korintu 2:6

Pehuku tauna bosa iria, handami. Mewali, kuuliangaakau, handami pehukumi iria.

2 Korintu 1:15

Itimi peharungangku i apa au kuuli inona, ido hai hangkoia mangkaliwona lao mosondakikau, bona molambi mbulikau pewati.

Galatia 5:7

Hangkoia, peulami i Ngkora Marasa maroa. Hemarihe au mohombokikau pane barapokau mampeulai paturo au tou?